Májilis depýtattarynyń 70 paıyzy jańardy – sarapshy
«Májilis jáne máslıhat saılaýy nátıjesin Memleket basshysynyń bastamasymen júzege asyp jatqan saıası reformalardyń jemisi retinde qarastyrýǵa bolady. Óıtkeni, atalǵan saıası reformalar saılaý júıesi men partııalyq júıege oń ózgeris ákeldi. Aıtalyq, eki jańa saıası partııa paıda boldy, majorıtarly saılaý júıesi qaıta engizildi, paıyzdyq kedergi 7%-dan 5%-ǵa tómendetildi, «Barlyǵyna qarsymyn» grafasy engizildi, taǵy sol sııaqty. Osyǵan oraı, 19 naýryzdaǵy saılaý qorytyndysy saıası reformalardyń durys jáne ýaqytyly ekendigin kórsetip otyr», - dedi Ashat Keńesov.
Sarapshy 7 saıası partııanyń 6-ýy Májiliske ótip, parlamenttik fraktsııa sany eki ese óskenin aıtty.
Aıtýynsha, bul parlamenttik plıýralızmniń damýy men sapaly ıdeıalardyń básekelestigine alyp keledi.
«Aldyńǵy shaqyrylymǵa qaraǵanda bul joly Májilis depýtattarynyń 70% jańardy. ıAǵnı quram aıtarlyqtaı ózgerdi. Bul óz kezeginde, saıası elıta men saıası júıeniń jańaryp, jandanýyna alyp keledi. Sonymen qatar, tájirıbeli depýtattardyń Májiliste bolýy kadrlar sabaqtastyǵynyń saqtalýyn kórsetedi. Sebebi tájirıbe men jańashyldyq - damýdyń kepili. Sonymen qatar Májilistiń jańa quramynda qoǵamdyq pikirdi qalyptastyryp otyrǵan azamattar sany ósti. Olar - halyq arasynan shyqqan, qoǵam múddesin qorǵaýshy tulǵalar. Bul Parlamenttegi qoǵamdyq kúshterdiń balansyn retteıdi. Óıtkeni, jańa Májilistiń quramynda kóptegen qoǵamdyq sala ókilderi bar», - deıdi ol.
Sonymen qatar, maman Májilis ártúrli saıası baǵyttaǵy partııalardyń negizgi kúres alańyna aınalatynyn tilge tıek etti.
Onyń málimdeýinshe, saılanǵan depýtattar men saıası partııalardyń arasynda «ońshyldar» da, «solshyldar» da bar.
Sonymen qatar, uzaq jyldardan beri bılik úshin kúresken oppozıtsııalyq partııa Májilisten oryn aldy.
«Májiliste ıdeologııalyq plıýralızm paıda bolady. Ártúrli deńgeıdegi áleýmettik top ókilderi ózderiniń múddesi úshin kúresip, ıdeıalaryn ortaǵa salmaq. Jalpy, Prezıdent bastamalarynyń negizgi baǵyttary, saılaý nátıjesinen kórip otyrǵanymyzdaı, tolyq júzege asty desek, qatelespeımiz. Sebebi, joǵaryda atalǵan reformalardyń iske asý nátıjesinde azamattardyń suranystaryn qanaǵattandyra alatyn zamanaýı Parlament jasaqtaldy. Jańa Májilis jańa adamdarmen birge aldaǵy bes jyldaǵy bolashaǵymyzdy anyqtaıtyn bolady», - deıdi Ashat Keńesov.
Májilis depýtattarynyń tolyq tizimimen osy siltemede tanysýǵa bolady.
Sonymen qatar búgin Ortalyq saılaý komıssııasy Májilistiń 8-saılanym depýtattaryn resmı túrde tirkedi.
Aıta ketsek, erteń Memleket basshysy Qasym-Jomart Toqaev VIII saılanǵan QR Parlamentiniń birinshi sessııasynyń ashylýynda sóz sóıleıdi.