Májilis depýtattarynyń 30% qazaqstandyqtar tikeleı saılaıdy - Qanat Mýsın
«Buǵan deıin sýper prezıdenttik qaǵıdasy týraly aıtyldy. Endi yqpaldy Parlament túsinigine kelsek, bul jerde depýtattardy saılaý júıesin engizý týraly aıtýǵa bolady. Qazir Májilis depýtattary partııalyq negizde saılanady. Endigi ýaqytta Májilis depýtattarynyń 30 paıyzyn óńirdegi qazaqstandyqtar saılaıdy. Qalǵan 70 paıyzy partııalyq negizde saılanady. Sonymen qatar depýtat saılaýaldy ýádesi men mindetin oryndamaǵan jaǵdaıda saılaýshylar daýsyn keri qaıratyp alady. ıAǵnı depýtattyq mandattan aırylady», - dedi Qanat Mýsın Ortalyq kommýnıkatsııalar qyzmeti alańynda ótken baspasóz máslıhatynda.
Mınıstrdiń aıtýynsha, ózgeris pen jańashyldyq Senatqa da qatysty.
«Senattaǵy Prezıdent taǵaıyndaıtyn 15 depýtattyń sany 10-ǵa kemıdi. Onyń beseýin Prezıdent usynsa, qalǵan depýtattar Qazaqstan halqy Assambleıasynyń usynysy boıynsha taǵaıyndalady. Odan bólek, Parlamentke Konstıtýtsııalyq sotta, Joǵary Sot Keńesinde joǵary laýazymdy adamdardy taǵaıyndaýǵa kelisim berý, adam quqyqtary jónindegi ýákildi eshkimniń tıispeýi quqyǵynan aıyrý týraly máseleni sheshý jáne Májilistiń jylyna eki ret joǵary tórelik palatanyń tóraǵasyn tyńdaýy jóninde qosymsha ókilettikter beriledi. Mundaǵy maqsat -Parlamenttiń rólin kúsheıtip, yqpalyn arttyrý», - deıdi ol.
Buǵan deıin vedomstvo basshysy sýperprezıdenttik pen prezıdenttik forma týraly aıtqan edi.
Sondaı-aq, Ádilet mınıstri 4 bastamashy toptyń partııa qurýǵa qatysty qujattary qaralyp jatqanyn aıtty.