Májilis depýtattary Tassaı ındýstrıaldy aımaǵynyń jumysymen tanysty - OQO

ASTANA. QazAqparat - Indýstrııalandyrý - eldegi ekonomıkalyq saıasattyń negizi bolyp tabylady. Indýstrııalandyrý baǵdarlamasy aıasynda búgingi tańda barlyq aýdan, qalalarda ındýstrııalyq aımaqtar qurylýda.

 Búgin Ońtústiktegi ındýstrııalyq aımaqtardyń biri - Tassaı ındýstrııalyq aımaǵynyń tynys-tirshiligimen bir top QR Májilis depýtattary -Berik Ospanov,Ýalıhan Qaınazarov, Erjan Qudaıbergen jáne taǵy basqa depýtattar tanysty.

Sonymen qatar, depýtattar ındýstrııalyq aımaqta iske asyrylyp jatqan «Mega Smart» JShS-nyń jyltyr MDF plıtalaryn óndiretin zaýytynyń qurylysyn kórdi, dep habarlaıdy OQO ákiminiń baspasóz qyzmeti. 

 Jalpy, ındýstrııalyq aımaq qurylysyna ulttyq qordan 1,0 mlrd.teńge bólinip, aǵymdaǵy jyldyń sońyna deıin aıaqtaý josparlanǵan. Bul aımaqta jalpy quny 18,7 mlrd.teńgege 18 joba iske asyp, 1500-ge jýyq jańa jumys oryndary ashylýda. ıAǵnı, bıýdjettik 1 teńgege 18,7 teńge jeke ınvestıtsııa tartylmaq. Sondaı-aq, munda jyl sońyna deıin 5 jobanyń iske qosylýy kútilýde. Onda 200-den astam jumys oryndary qurylatyn bolady. Aımaqqa ınvestıtsııa tartý boıynsha jumystar jalǵasýda.

Depýtattar Ońtústikte atqarylyp jatqan ıgi sharalarǵa oń baǵasyn berip, ármen qaraı ózge de nysandarmen tanysýdy jalǵastyrdy.