Májilis depýtattary Petropavlda zaýyt ujymymen kezdesti
Kezdesýde májilismender Máýlen Áshimbaev, Qýanysh Sultanov, Sergeı Zvolskıı, Petr Sharapaev jáne Murat Temirjanov eńbekshilermen birqatar máselelerdi talqylady jáne zań shyǵarý qyzmeti týraly áńgimeledi, dep habarlaıdy Májilistiń baspasóz qyzmeti.
Petropavl aýyr mashına jasaý zaýyty - búgingi tańda Qazaqstan naryǵynda suranysqa ıe kásiporyn biri. Bul 50 jyl boıy munaı óndirýshi kompanııalar úshin, tehnıkany jáne munaı-hımııa men munaı óńdeý kásiporyndary úshin, jabdyqtar shyǵaratyn elimizdegi jalǵyz zaýyt. Zaýyt Qytaı, Reseı, Japonııa, Germanııa, Norvegııa, Anglııa, AQSh, Kanada, Italııa, Belarýs iri kompanııalarymen baılanys ornatqan. Osynda 1 myńǵa jýyq adam eńbek etýde, ortasha jalaqy - 95 myń teńge.
Óndiris salasynyń jumysshylarymen kezdesý kezinde, májilismender ónerkásiptik óndiristiń eleýli ósýin jáne Soltústik Qazaqstanda birqatar memlekettik baǵdarlamalardyń iske asyrýda tabystylyǵyn atap ótti. Mysalǵa, 2014 jyly Indýstrııalandyrý kartasy boınysha «Energetıkalyq qazandyq jabdyǵyn daıyndaý boıynsha óndirisin qurý» atty tabysty ınvestıtsııalyq joba iske asyryldy. Jobanyń arqasynda zaýytta 46 qosymsha jańa jumys orny quryldy.
Qyzmetkerlermen áńgime barysynda halyq qalaýlylary kásiporyn qyzmetine joǵary baǵa berdi jáne otandyq munaı salasynyń damýyna qosqan úlesteri týraly zaýyt qyzmetkerleriniń eńbekteri arqasynda ekenin atap ótti.
«Petropavl aýyr mashına jasaý zaýytynda kóptegen jas adamdar jumys isteıdi. Qazirgi tańda elimizde ındýstrııalandyrýdyń jańa kezeńi jalǵasýda. Jastar bir jerde otyrýǵa tıis emes. Óz áleýetin iske asyrý úshin, kóptegen múmkindikter jasalǵan. Mysaly, jańa jumys orny ashylady», - dedi depýtat Petr Sharapaev.
Osy kúni depýtattar oblys aktıviniń jınalysyna qatysty, «Nur Otan» partııasy aımaqtyq fılıalynyń qoǵamdyq qabyldaý bólmesinde azamattardy jeke qabyldady jáne agrarlyq kompanııalar: «Damý» qorynyń jáne Kásipkerler palatasynyń ókilderimen kezdesti. Talqylaǵan taqyryptary - aýyl sharýashylyǵy taýaryn óndirýshilerdi memlekettik qoldaý máselesi.
Májilis depýtattary óńirge jumys saparymen 5 qańtarda keldi. Osy kezeńde olar eldi mekenderdiń turǵyndarymen birneshe kezdesýler ótkizdi, birqatar ónerkásip kásiporyndaryna bardy jáne áleýmettik ınfraqurylym nysandarynyń ashylýyna qatysty.