Májilis depýtattary men memlekettik organ basshylary azamattardy qabyldaıdy - «Nur Otan»

ASTANA. QazAqparat - Osy apta ishinde «Nur Otan» partııasynyń respýblıkalyq qoǵamdyq qabyldaýynda QR Parlamenti Májilisiniń depýtattary Qýanysh Sultanov pen Serik Ospanov, sondaı-aq QR Ulttyq ekonomıka mınıstrliginiń Básekelestikti qorǵaý jáne tabıǵı monopolııalardy retteý komıtetiniń tóraǵasy Serik Jumanǵarınmen azamattardy qabyldaý ótkiziledi, dep habarlanǵan partııanyń saıtynda.

Atap aıtsaq, 17 naýryzda Halyqaralyq is, qorǵanys jáne qaýipsizdik boıynsha komıtetiniń múshesi Qýanysh Sultanov, 19 naýryzda Qarjy jáne bıýdjet komıtetiniń múshesi Serik Ospanov azamattardy qabyldaıtyn bolady. QR Ulttyq Ekonomıka mınıstrliginiń Básekelestikti qorǵaý jáne tabıǵı monopolııalardy retteý boıynsha komıtetiniń tóraǵasy Serik Jumanǵarınniń azamattardy qabyldaýy 18 naýryzǵa josparlanǵan. Qabyldaý Astana qalasy, Kenesary k-si, 25 úıde saǵat 10.00-den 13.00-ge deıin «Nur Otan» partııasy respýblıkalyq qoǵamdyq qabyldaý bólmesinde júrgiziledi. Qabyldaýǵa www.kk.nurotan.kz elektrondy mekenjaıy nemese 59-78-50 telefony arqyly jazylýǵa bolady.

Sonymen birge basqa oblys ortalyqtarynyń jáne Almaty qalasy turǵyndarynyń Astanaǵa kelmeı-aq qabyldaýǵa jazyla alady. Óıtkeni, qabyldaýdy «Nur Otan» partııasy oblystyq fılıaldarynda beınebaılanys rejiminde ótkizý múmkindigi qarastyrylǵan.