Májilis depýtattary Kóksaı shatqalynda qaza tapqan áskerılerdiń otbasylaryna kóńil aıtty
«Qaza tapqan áskerılerdiń jaqyndary men týystaryna qaıǵyra kóńil aıtamyz», - dedi Májilistiń Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev Jambyl oblysyndaǵy qar kóshkininen bolǵan qaıǵyly oqıǵa jóninde.
«Jambyl oblysynda úlken qaıǵyly oqıǵa oryn aldy - jeti áskerı qyzmetshi áskerı boryshyn óteý jolynda kóz jumdy.
Óz atymnan, Halyqaralyq ister, qorǵanys jáne qaýipsizdik komıtetiniń músheleri atynan jáne barlyq áriptesterim - Qazaqstan Parlamenti Májilisiniń depýtattary atynan qaza tapqan áskerılerdiń otbasyna, týystary men jaqyndaryna qaıǵyra kóńil aıtamyn. Olar áskerı istiń kásibı mamandary jáne óz Otanynyń naǵyz patrıottary boldy. Olardyń týystary jáne jaqyndarynyń qaıǵysyna ortaqpyz. Túsinemin, mundaı orny tolmas qazaǵa kóndigý qıyn, biraq marqumdardyń otbasy barlyq qazaqstandyqtardyń qaıǵyryp otyrǵanyn bilýi tıis. Barlyǵymyz qaıǵyra kóńil aıtamyz.
Úkimet qaıǵyly oqıǵanyń mán-jaıyn anyqtaıtyn arnaıy komıssııa qurdy. Qorǵanys mınıstrligi men quqyq qorǵaý organdary sebepterdi anyqtaý úshin barlyq qajetti sharalardy jasaýda jáne qaza tapqandardyń januıasyna kómek kórsetý jumystary uıymdastyryldy. Sonymen birge, Qarýly Kúshterde mundaı qasirettiń qaıtalanbaýy úshin barlyq qajetti sharany jasaý kerek», - dedi M.Áshimbaev.