Májilis depýtattary ıntegratsııalanǵan týrıstik navıgatsııa qosymshasyn ázirleý qajettigin aıtty

NUR-SULTAN. QazAqparat – Búgin jalpy otyrysta Májilis depýtaty, Nur Otan partııasy fraktsııasynyń múshesi Darhan Myńbaı Premer-Mınıstriniń orynbasary Eraly Toǵjanovqa elimizde týrıstik marshrýttarmen saıahattaý kezinde adamdar tap bolatyn táýekelder men qaterlerge qatysy depýtattyq saýal joldady, dep habarlaıdy QazAqparat tilshisi.

«Qazaqstan Respýblıkasynyń keıbir zańnamalyq aktilerine týrıstik qyzmet máseleleri boıynsha ózgerister men tolyqtyrýlar engizý týraly» Zańy osy salany damytýǵa oń yqpaly tıgizdi. Onda qazirgi zamanǵy talaptarǵa sáıkes engizilgen ózgeristerden basqa, týrıstiń qajettilikterin birinshi orynǵa qoıatyn jańa termınder men uǵymdar da qosylǵan. Mysaly, «týrıstik marshrýt» degen uǵym engizildi. Ol týrıstiń qajettilikterin qanaǵattandyrýy úshin júrý joldary belgilenip, ony týrıstik operator ázirleıdi jáne sol týrıstik qyzmet obektilerine barý-kelýi, egjeı-tegjeıli reglamenttelgen (paıdalanylatyn kólik, toqtaıtyn oryndar, kózdelgen obektiler, túneıtin, aıaq sýytatyn jerler, shuǵyl jaǵdaılardaǵy medıtsınalyq kómek jáne basqa da jaǵdaılar) osylardyń barlyǵyn qamtıdy», - dep toqtaldy D. Myńbaı.

Onyń aıtýynsha, týrızm salasyn tsıfrlandyrý onyń qaýipsizdigin qamtamasyz etedi. Eger halyqaralyq tájirıbeni eskeretin bolsaq, onda eýropalyq mamandar ártúrli qosymshalar ázirlegen, olar sátti engizilip, óziń ózderi aqtaýda.

«Sonymen qatar, Qazaqstanda da tsıfrlandyrýdyń ózindik baı tájirıbesi bar. Mysaly, kóptegen qalalar men eldi mekender sheginde marshrýttar navıgatsııasy tıimdi jumys isteıdi. Al búginde týrıstik navıgatsııa júıesin, onyń ishinde týrıstiń onlaın navıgatoryn jedel engizý qajettigin joǵarydaǵy jaǵdaı, ıaǵnı ómirdiń ózi talap etip otyr. Jalpy týrızmdi tsıfrlandyrý isi birge erip júretin ózgelerdiń kómegińsiz de qozǵalýǵa, kez kelgen tilde aqparat alýǵa, júzbe-júz kezdespeı-aq, tek qana óz jeke smartfondy paıdalaný arqyly tólemderdi júzege asyryp, ózge de qajetti áreketterdi jasaýǵa múmkindik beredi», - dedi depýtat.

Azamattardyń qaýipsizdigin qamtamasyz etý maqsatynda jáne Nur Otan partııasynyń «Ózgerister joly: Ár azamatqa laıyqty ómir!» saılaýaldy baǵdarlamasyndaǵy mindetterdi oryndaý úshin myna usynystar jasaldy:

1) Tsıfrlyq damý, ınnovatsııalar jáne aeroǵarysh ónerkásibi men Mádenıet jáne sport mınıstrlikteri ıntegratsııalanǵan týrıstik navıgatsııa qosymshasyn ázirlep, sondaı-aq ony basym týrıstik aımaqtardyń úzdik ondyǵynyń birinde (Almaty óńiriniń taý klasteri, Túrkistan óńiri, Nur-Sultan qalasy) pılottyq joba retinde iske qosý.

2) Tótenshe jaǵdaılar mınıstrligi, Qazgıdromet basqa da tıisti qyzmet kórsetetin mekemeler men jergilikti atqarýshy organdar azamattardyń qaýipsizdigin qamtamasyz etý jáne jazataıym jaǵdaıdy bolǵyzbaý úshin áleýmettik jelilerde, BAQ arqyly týrıstik marshrýttar boıynsha şuǵyl aýa-raıy boljamy (mysaly, «Qazmeteotýr») basqa da saqtyq sharalary jóninde aqparattyq-túsindirý jumystaryn júrgizý.