Májilis depýtattary eki apta boıy shekara jumysymen tanysady
Atap aıtqanda, Oljas Quspekov, Maksım Rojın, Bolat Kerimbek jáne Samat Nurtaza eki apta boıy shekarashylardyń jumys jaǵdaıymen tanysady. Shekaraǵa barý bastamasyn «Respublica» partııasy kótergen.
Onda júrgizilgen zertteý men taldaý shekaralyq qaýipsizdik pen jumys jaǵdaılaryn jaqsartýǵa baǵyttalǵan zańnamalyq bastamalar men sharalardy ázirleýge negiz bolady.
Qazirgi ýaqytta barlyq depýtattar shekara aımaǵynda, taýda jattyǵý lagerinde daıyndyqtan ótip jatyr. Keıin depýtattar shekara qorǵaýshylarynyń qyzmeti men qajettilikterin tolyq túsiný úshin shekara beketinde jumysyn jalǵastyrýǵa nıetti. Zertteý aıaqtalǵan soń olar óz usynystaryn Májilis otyrysyna usynýdy josparlap otyr.
«Bizdiń jumysymyz tek zań aınalasynda ǵana emes, naqty áreketter de bar. Munda biz birneshe apta boıy shekarashylarmen birge daıyndyqtan ótip, olardyń jumys jaǵdaılaryn zerttep, olarǵa el qorǵaýda jaǵdaı jasaý úshin qajet jaǵdaıda usynystar engizetin bolamyz. Mundaı tájirıbe bizdiń qorǵaýshylarymyzdyń shekara shebinde kezdesetin qıyndyqtaryn túsinýge, sol baǵytta jumys isteýge kómektesedi», - dep túsindirdi depýtat Oljas Quspekov.
Depýtattardyń bul bastamasy olardyń shekara qaýipsizdigin qamtamasyz etýge degen qyzyǵýshylyǵyn jáne shekarashylardyń qyzmet etý jaǵdaılaryn jaqsartý úshin naqty qadamdar jasaýǵa daıyn ekenin kórsetedi.