Májilis depýtattary Báıdibek aýdanyna bardy

TÚRKІSTAN.QazAqparat - QR Parlamenti Májilisiniń depýtattary Túrkistan oblysynyń Báıdibek aýdanyna saparmen bardy, dep habarlaıdy QazAqparat tilshisi.

«Nur Otan» partııasy fraktsııasynyń músheleri Baıdildá Jylqyshıev pen Muhtar Erman, Shavhat Ótemisov jergilikti halyqtyń turmys tirshiligimen tanysty.

Elbasynyń «Nur Otan» partııasynyń XVIII Sezinde bergen tapsyrmalary boıynsha aýdanǵa kelgen depýtattar týraly aýdandardaǵy memlekettik qyzmetkerlermen kezdesý ótkizip, mektepterdiń qurylys alańdaryn aralap kórdi. Óndiristik oryn ujymymen jáne jastarmen júzdesip, sharýa qojalyqtarynyń jumysymen tanysty. Halyq qalaýlylary jeke kásipkerlermen jáne stýdent jastarmen sóılesti.

Sondaı-aq, Jambyl aýylyndaǵy ónimdiligi 120 tonna qııar men qyzanaq óndiretin kásiporynǵa baryp, Beket Tynysbaev basqaratyn sharýashylyqta boldy. Bes jyl buryn ashylǵan qojalyq qysta Túrkistan oblysy men Shymkent qalasyn jáne Báıdibek aýdanyn qııar jáne qyzanaqpen qamtamasyz etip otyr. Jobanyń jalpy quny 47 mln teńgeni quraıdy.