Májilis «Batys Eýropa-Batys Qytaı» jobasy boıynsha Azııa Damý Bankinen qaryz tartý týraly kelisimdi maquldady

ANA. Aqpannyń 17-si. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «Qazaqstan Respýblıkasy men Azııa Damý Banki arasyndaǵy Qaryz týraly kelisimdi (1 kólik dálizi-Jambyl oblysyndaǵy ýchaskeler- «Batys Eýropa-Batys Qytaı» halyqaralyq tranzıt dálizi-Investıtsııalyq baǵdarlama - 2 joba) ratıfıkatsııalaý týraly» zań jobasyn maquldady,

dep habarlaıdy QazAqparat.

2009 jylǵy jeltoqsannyń 3-inde qol qoıylǵan osy Kelisimniń maqsaty avtojoldar jelisin qaıta jańartý men damytý jáne joldy paıdalaný qyzmetteriniń keshenderin jańalaý úshin qaryz tartý bolyp tabylady. Bul rette qaryz týraly kelisimniń ekinshi transhyna sáıkes, tartylatyn qarajat somasy 187 mln. dollardy quraıdy. Kelisim sheńberindegi zaem Jambyl oblysyndaǵy uzaqtyǵy 79 shaqyrym bolatyn tsement-beton jamylǵyly ýchaskesine qaıta jańartý jumystaryn qarjylandyrýǵa baǵyttalady. Qaryz berý sharttary boıynsha stavka - 0,2 paıyzdy, mindettemelik komıssııa -0,15 paıyzdy quraıdy.

Bul rette Qazaqstan Respýblıkasy Úkimetiniń qosa qarjylandyrýy 33 mln. dollarynan aspaıtyn bolady.

Májilis maquldaǵan zań jobasy Parlament Senatyna jiberiledi.