Májilis aglomeratsııalardy damytý týraly zań jobasyn maquldady

ASTANA. QazAqparat – Búgin Májilistiń jalpy otyrysynda «Aglomeratsııalardy damytý týraly» zań jobasy men ilespe qujat ekinshi oqylymda maquldandy, dep habarlaıdy QazAqparat itlshisi.

Bul qujat 2022 jylǵy 23 qarashada birinshi oqylymda maquldanǵan.

Zań jobasy Qazaqstan Respýblıkasynda aglomeratsııalardy qalyptastyrý jáne olardyń jumys isteýi úshin quqyqtyq jáne uıymdastyrýshylyq jaǵdaılar men tetikter jasaýǵa baǵyttalǵan.

Bul qujatta «aglomeratsııa», «aglomeratsııa aýmaǵy», «aglomeratsııa quramy» uǵymdaryn jáne eldi mekenderdi aglomeratsııaǵa jatqyzý ólshemsharttaryn engizý eskerilgen.

Zań jobasy aıasynda Úkimettiń, ýákiletti organnyń, jergilikti ókildi jáne atqarýshy organdardyń aglomeratsııalardy damytý salasyndaǵy quzyretterin aıqyndaý, aglomeratsııalardy damytý salasyndaǵy jergilikti atqarýshy organdar arasynda ózara is-qımyldy jaqsartý, sondaı-aq respýblıkalyq jáne óńirlik deńgeılerde aglomeratsııa jóninde keńes qurý qamtylǵan.

Qujatta orta merzimdi damý strategııasy bolyp sanalatyn Aglomeratsııany damytýdyń keshendi josparyn ázirleý usynylǵan.

Aglomeratsııa halyq sany 500 myń adamnan asatyn ortalyqtan jáne ózara kúndelikti eńbek jáne óndiristik baılanystary bar qala mańyndaǵy aımaqtan turatyn bolady.