Májilis Adam quqyqtary jónindegi ýákil týraly zań jobasyn birinshi oqylymda maquldady
11:16, 07 Qyrkúıek 2022
NUR-SULTAN. QazAqparat –QR Parlament Májilisi «Qazaqstan Respýblıkasyndaǵy Adam quqyqtary jónindegi ýákil týraly» Qazaqstan Respýblıkasy Konstıtýtsııalyq zańjobasyn birinshi oqylymda maquldady, dep habarlaıdy QazAqparat tilshisi.
Qujatty tanystyrǵan QR Ádilet mınıstri Qanat Mýsın Konstıtýtsııaǵa referendým arqyly engizilgen 83-1-baptyń normasy boıynsha ombýdsmen qyzmetiniń mindetteri, táýelsizdigi men ókilettikterin júzege asyrý kezinde qandaı da bir ózge memorgandar men laýazymdy adamdardyń aldynda esep bermeýine kepildik bekitilgenin eske saldy.
«Budan bylaı Adam quqyqtary jónindegi ýákildiń quqyqtyq jaǵdaıy men onyń qyzmetin uıymdastyrý konstıtýtsııalyq zańmen aıqyndalady. Ombýdsmen týraly qoldanystaǵy zań salystyrmaly túrde jaqynda, ótken jyldyń 29 jeltoqsanynda qabyldanǵanyn atap ótken jón. Zańda ýákildiń qyzmeti týraly negizgi erejeler bekitildi», - dedi mınıstr.
Depýtattar zań jobasyn birinshi oqylymda maquldaý jóninde sheshim qabyldady.