Majarstannyń gaz qoımalarynyń qýaty 72 paıyzǵa nyǵaıdy

BRıÝSSELЬ. QazAqparat – Majarstannyń tehnologııalar jáne ınnovatsııalar mınıstri Laslo Palkovıch eldiń energetıkalyq táýeldiligi aıtarlyqtaı tómendegenin atap ótti, dep habarlaıdy QazAqparat menshikti tilshisi.

Sonymen Majarstan úkimetiniń múshesi eldiń qazirgi gaz jetkizilimderi men ulttyq elektr jelisiniń jumysyna oń baǵa berdi. Biraq ol strategııa eldiń energııaǵa táýeldiligin odan ári tómendetý úshin qaıta qaralatynyn aıtty. Bul týraly L. Palkovıch Shıofoktaǵy 52-shi Halyqaralyq gaz konferentsııasynda málim etti.

Mınıstrdiń aıtýynsha, dúısenbi kúni tańerteń Majarstannyń turmystyq gaz qoımalarynyń qýaty 72 paıyzǵa tolǵan. Mınıstr Majarstan elektr jelisiniń barlyq kórshi eldermen ótkizý qabileti men baılanysy jetkilikti ekenin jáne otyn jetkizilimi turaqty ekenin atap ótti. «Ázirge «Dostyq» munaı qubyry arqyly jetkilikti kólemde shıki munaı jetkizilýde. Majarstanǵa gaz turaqty túrde jetkizilip turady jáne biz taýsylǵan strategııalyq qorlardy tolyqtyra alamyz», — dedi ol.

Arnur Rahymbekov

Foto: hungarytoday.hu