Majarstannyń premer-mınıstri Dımash týraly post jazdy

<p>BÝDAPEShT. KAZINFORM - Majarstannyń Premer-Mınıstri Vıktor Orban Instagram <a href="https://www.instagram.com/p/DCms9kLgPDc/" target="_blank" rel="noopener">paraqshasynda</a> Qazaqstan Prezıdenti Qasym-Jomart Toqaev jáne álemge áıgili ánshi Dımash Qudaıbergenmen birge túsken fotosýretin jarııalady.</p>

«Qazaqstandyq álem juldyzy Býdapeshtte», - dep jazdy Vıktor Orban áleýmettik jelide.

Aqorda Qasym-Jomart Toqaev Majarstan Premer-mınıstriniń saltanatty qabyldaýyna qatysqanyn habarlap, keshten túsirilgen túrli foto jarııalady. Olardyń arasynda qazaqtyń maqtanyshy Dımash Quıdaıbergen de bar.

Foto: Aqorda

Foto: Aqorda

Buǵan deıin Dımash Qudaıbergen óziniń Býdapeshtke bet alǵanyn habarlaǵan bolatyn.

Eske salsaq, QR Prezıdenti Majarstanǵa memlekettik saparmen bardy. Sapar aıasynda Qasym-Jomart Toqaev Býdapeshtte Vıktor Orbanmen kelissóz júrgizdi. 

Qazaqstan men Majarstan ortaq bastamalardy júzege asyrýdy kózdeıtin Birlesken málimdeme qabyldady.

Qasym-Jomart Toqaev pen Vıktor Orban BAQ ókilderi úshin brıfıng ótkizdi. 

Memleket basshysy Halyqaralyq dzıýdo federatsııasynyń (IJF) prezıdenti Marıýs Vızermen kezdesti.

Qazaqstan Prezıdenti Majarstan Premer-mınıstriniń saltanatty qabyldaýyna qatysty.