Majarstandaǵy týrnırde tórtinshi boksshymyz fınalǵa shyqty

ASTANA. QazAqparat - Majarstannyń Debretsen qalasynda ótip jatqan bokstan halyqaralyq týrnırde qazaqstandyq tórtinshi boksshy fınalǵa shyqty, dep habarlaıdy QazAqparat tilshisi.

Halyqaralyq týrnırde Aıbek Oralbaı (92 keli) jartylaı fınalda nemis boksshysy Marko Prıatlıachıchpen qolǵap túıistirdi.

Jekpe-jek barysynda ol qarsylasynan jınaqy qımyl kórsetti. Nátıjesinde tóreshiler jeńisti qazaqstandyq boksshyǵa berdi.

Aıbek osylaısha el quramasynan fınalǵa shyqqan tórtinshi boksshy bolyp otyr.

Buǵan deıin Temirtas Júsipov (48 keli), Serik Temirjanov (57 keli), Dýlat Bekbaýov (67 keli) fınalǵa shyqqan edi.

El quramasynan jartylaı fınalda Damır Ábdiqadyr (51 keli), Damır Toıbaı (92 keliden joǵary) qarsylastaryna ese jiberdi.

Sondaı-aq, el quramasynan Nurbek Oralbaı 80 (keli) 1/4 fınalda ýkraın boksshysy Aleksandr Hıjnıakke jol berip qoıdy.

Qazaqstandyq bapkerler atalǵan týrnırge el quramasy sapynda 13 boksshyny alyp bardy.