Majarstandaǵy týrnırde eki boksshy fınalǵa shyqty

ASTANA. QazAqparat - Majarstannyń Debretsen qalasynda ótip jatqan bokstan halyqaralyq týrnırde qazaqstandyq eki boksshy fınalǵa shyqty, dep habarlaıdy QazAqparat tilshisi.

Atalǵan týrnırde Temirtas Júsipov (48 keli) jartylaı fınalda ázerbaıjan sportshysy Týral Sarıevti 5:0 esebimen aıqyn basymdylyqpen jeńdi. Ol shırek fınalda Donıer Bekmýrodovty qapy qaldyrǵan edi.

Al Dýlat Bekbaýov (67 keli) jartylaı fınalda avstralııalyq Harrı Garsıdeni súrindirdi.

El quramasynan Damır Ábdiqadyr (51 keli) ózbekstandyq Zıevýddın Alıjonovqa, Damır Toıbaı (92 keliden joǵary) germanııalyq Nıkıta Pýtılovqa ese jiberdi.

Sondaı-aq, el quramasynan Nurbek Oralbaı 80 (keli) 1/4 fınalda ýkraın boksshysy Aleksandr Hıjnıakke jol berip qoıdy.

Qazaqstandyq bapkerler atalǵan týrnırge el quramasy sapynda 13 boksshyny alyp bardy.

Foto: sports.kz