Majarstanda «Qazaqstannyń kóshpendileri» atty kórmeni 12 myń adam tamashalady
Ekspozıtsııaǵa qazaq halqynyń baı tarıhı jáne mádenı murasyn kórsetetin 200-den astam biregeı jádiger qoıylǵan.
Kórmege kelýshilerge urpaqtar sabaqtastyǵynyń sımvolyna aınalǵan Abaı Qunanbaıulynyń dombyrasy da usynyldy.
Jalpy kórmeni 12 myńnan astam adam tamashalady.
— Joba úlken qyzyǵýshylyq týdyrdy, bul Qazaqstan men Majarstan arasyndaǵy mádenı baılanystyń mańyzdylyǵyn kórsetedi. Buǵan deıin osyndaı kórmeler Túrkııa, Ońtústik Koreıa, Aýstrııa, Italııa jáne Chehııada ótken. Endi 12 jeltoqsanda Serbııada «Uly Dalanyń mádenı murasy» atty kórme ashylady. Jalpy qala ákimi mádenıet salasy ókilderin damytýǵa yqpal etetin taǵylymdamaǵa, bilim alýǵa baǵyttalǵan jáne halyqaralyq baılanysty nyǵaıtýǵa múmkindik jasaıtyn jobalarǵa erekshe kóńil bóledi. Máselen, mýzeı qyzmetkerleri álemniń úzdik mádenı ortalyqtarynda, sonyń ishinde áıgili Lývrda bilim alyp qaıtty, — dedi Almaty qalasy Mádenıet basqarmasynyń basshysy Ǵanı Maılybaev.
Eske salaıyq, ótken aıda Qazaqstan Prezıdenti Majarstanǵa memlekettik saparmen barǵan bolatyn.