Majarstanda qaıtadan lokdaýn bastaldy
«Jetinshi sáýirge deıin eldegi balabaqshalar men bastaýysh mektepter jabylady. 22 naýryzǵa deıin qyzmet kórsetý kásiporyndary, azyq-túlik pen dárihanalardy qospaǵanda, barlyq dúkender jumysyn toqtatady. Ótken demalys kúnderi Býdapesht qalasynda jáne basqa da iri qalalarda satyp alý belsendiliginiń ósýi baıqaldy. Sýpermarketter men jıhaz dúkenderi janyndaǵy avtoturaqtarda bos oryn bolǵan joq», - dep jazdy Euronews.
Jańa shekteýler týraly el bıligi beısenbide koronavırýs ınfektsııasy sany ósip jatqanda jarııalady. Úkimet kásiporyn basshylaryn (múmkin bolǵan jerde) qyzmetkerlerdi qashyqtan jumys rejımine aýystyrýǵa shaqyrdy.
Majarstan shekaralarynda qatań baqylaý engizýge nıetti, biraq júk pen tranzıt tasymaldar shektelmeıdi. Elde halyqty vaktsınalaý boıynsha belsendi naýqan júrip jatyr. Qazirgi ýaqytta onda bes preparat qoljetimdi: amerıkandyq-germandyq konsortsıýmnan Pfizer-BioNTech, amerıkandyq kompanııadan Moderna, brıtandyq-shvedtik AstraZeneca, reseılik «Spýtnık V» jáne Qytaı ekpesi.