Majarstan týrnırinde qazaqstandyq boksshy qyzdarǵa eki «altyn» buıyrdy

ASTANA. QazAqparat – Qazaqstannyń bokstan áıelder quramasy Majarstannyń Debretsen qalasynda ótip jatqan Ishtvan Bochkaıdi eske alýǵa arnalǵan týrnırde ónerin aıaqtady, dep habarlaıdy QazAqparat Sports.kz-ke silteme jasap.

Fınalda úsh qazaqstandyq sportshy jekpe-jek ótkizdi: Rımma Volosenko (60 kg), Laýra Esenkeldi (63 kg) jáne Valerııa Aksenova (+81 kg).

Rımma Volosenko Slovakııa ókili Mıroslava Edınakovamen kezdesýi kerek edi. Alaıda Qazaqstan boksshysynyń qarsylasy rıngke shyqpady.

Laýra Esenkeldi aǵylshyn sportshysy Hanna Robınsonmen judyryqtasyp, tóreshilerdiń ártúrli daýysymen jeńiske jetti.

Aqtyq synnyń sońǵy juby bolyp rıngke Valerııa Aksenova men polshalyq Agata Kachmarskaıa shyqty. Tóreshilerdiń biraýyzdy sheshimimen V.Aksenova kúmis medalǵa laıyq dep tanyldy.