Majarstan ókilderi «Bozoq» qalashyǵyn zertteýge qoldaý kórsetpek

NUR-SULTAN. QazAqparat - Búgin «Bozoq» memlekettik tarıhı-mádenı mýzeı-qoryǵy «Bozoq kóne qalashyǵynyń arheologııalyq qazba jumystary negizinde ashyq aspan astyndaǵy ulttyq park qurý» jobasyn iske asyrý aıasynda Majarstan Halyq Respýblıkasynyń ókilderimen kezekti kezdesti.

Bul týraly búgin mýzeı ókilderi Facebook paraqshasynda jazdy, dep habarlaıdy QazAqparat.

Onda ulttyq park aýmaǵynda tarıhı ǵundar qonysyn qalpyna keltirý josparlanyp jatqandyǵy aıtylady.

«Onyń qaıta qurylýy ǵundardyń ertedegi túriktermen tyǵyz baılanysymen anyqtalady. Kezdesý barysynda Majarstandyq «Turan» qorynyń jetekshisi Andrash Jolt Bıro, Býdapesht qalasynyń Tabıǵı tarıh mýzeıiniń dırektory jáne ǵylymı qyzmetkeri ǵundar qonystaryn zertteý jáne qaıta qurý, arheologııalyq obektilerdi mýzeıge aınaldyrý bóliginde jobany qoldaýǵa daıyn ekendikterin bildirdi»,-dilengen habarlamada.