Majarstan Qytaı bankterinen 1 mlrd eýro qaryz alady

<p>BEIJІŃ. KAZINFORM — Sıngapýrlyq <a href="https://www.zaobao.com.sg/realtime/china/story20240726-4365844?amp" target="_blank" rel="noopener">Lıanhe Zaobao</a> gazetiniń aıtýynsha, Majarstan osy jyldyń sáýir aıynda birneshe qytaılyq bankten 1 mıllıard eýro qarjy alǵan.</p>

Basylymnyń habarlaýynsha, Majarstannyń qaryzdy basqarý organy beısenbide (25 shilde) Vengrııa úkimeti sáýir aıynda Qytaı damý bankinen (China Development Bank), Qytaıdyń eksport-ımport bankinen (The Export-Import Bank of China) jáne Qytaı bankiniń (Bank of China) Majarstandaǵy fılıalynan jalpy somasy 1 mıllıard eýro bolatyn úsh jyldyq nesıe alǵanyn málimdedi. 

Vengrııa osy ýaqytqa deıin qarajatty nege jarııalamaǵanyn túsindirmedi, biraq bul aqshanyń ınfraqurylym, kólik jáne energetıkalyq jobalardy qarjylandyrýǵa jumsalatynyn basa aıtty.

Aıta keteıik, mamyr aıynda QHR tóraǵasy Sı Tszınpın Býdapeshke baryp, Majarstan premer-mınıstri Vıktor Orbanmen kezdesti.

Sı Tszınpınniń sapary kezinde Qytaı Vengrııamen «jan-jaqty strategııalyq seriktestik» ornatqanyn jarııalady.

Sondaı-aq eki el temir jol, avtomobıl jáne energetıka jobalaryn qosa alǵanda onnan astam kelisimge qol qoıdy.