Majarstan – Qazaqstannyń Eýropalyq Odaqtaǵy mańyzdy saýda-ekonomıkalyq seriktesi

<p>Qazaqstan Premer-Mınıstri Álıhan Smaıylov pen Majarstan Premer-Mınıstri Vıktor Orban ekonomıkanyń túrli salalaryndaǵy yntymaqtastyqtyń keń aýqymdy máselelerin talqylady, dep habarlaıdy <a href="https://kaz.inform.kz/" target="_blank" rel="noopener">Kazinform</a> Úkimettiń baspasóz qyzmetine silteme jasap.&nbsp;</p>

Majarstan – Qazaqstannyń Eýropalyq Odaqtaǵy mańyzdy saýda-ekonomıkalyq seriktesi. Ótken jyly eki el arasyndaǵy taýar aınalymy 24%-ǵa artyp, $172 mln-ǵa jetti. 

Foto: Úkimettiń baspasóz qyzmeti

«Biz taýar aınalymyn odan ári arttyrý úshin aıtarlyqtaı áleýet bar ekenin kórip otyrmyz jáne qazaqstandyq ónimniń Majarstanǵa eksportyn 95 taýarlyq pozıtsııa boıynsha shamamen $700 mln-ǵa arttyrýǵa daıynbyz», - dedi Premer-Mınıstr.

Investıtsııalyq yntymaqtastyq baǵytynda jańa múmkindikter ashylyp jatyr. Majarstan 2005 jyldan beri Qazaqstanǵa $330 mln shamasynda tikeleı ınvestıtsııa saldy. Tek 2021-2022 jyldary shamamen $75 mln-ǵa jýyq ınvestıtsııa tartyldy. Bul barlyq ınvestıtsııanyń jalpy kóleminiń shamamen shırek bóligin quraıdy. Vıktor Orban óz kezeginde Qazaqstan men Majarstannyń saıası baılanystary jaqsy damyǵanyn, sondyqtan endi ekonomıkalyq baılanystardy tereńdetý men keńeıtýge kóbirek kóńil bólý kerektigin aıtty.

«Sizderdiń Prezıdentterińiz múmkindiginshe birlesip júzege asyrýǵa bolatyn kóptegen jobany qarastyrýymyz kerek degen usynys jasady. Tájirıbe kórsetkendeı, bir-birinen shalǵaı jatqan memleketter qandaı da bir flagmandyq joba arqyly ekonomıkaǵa serpilis jasaı alady. Bul basqa da shaǵyn kásiporyndardy yntymaqtastyqqa tartýǵa kómektesedi. Endigi mindet – qandaı jobalardy júzege asyra alatynymyzdy anyqtaý. Biz atalǵan baǵytta qarqyndy jumys isteı alamyz dep úmittenemiz», — dedi Majarstan Premer-Mınıstri.