Majarstan Qazaqstanǵa eksport kólemin ulǵaıtty

NUR-SULTAN. QazAqparat – Majarstan Qazaqstanǵa eksport kólemin arttyrdy. Bul týraly Majarstan Premer-mınıstriniń orynbasary, Qarjy mınıstri Mıhaı Varga aıtty, dep habarlaıdy QazAqparat tilshisi.

«Sońǵy kezderi biz Qazaqstanǵa eksportty ulǵaıta aldyq. Bizdiń eksporttyń 70%-y – dári-dármekter men farmatsevtıkalyq ónimder. Bul mańyzdy nátıje, óıtkeni Qazaqstanda da sapaly majar taýarlaryna suranys bar», - dedi Mıhaı Varga QR Syrtqy ister mınıstrliginde ótken kezdesýde.

Óz sózinde spıker majarstandyq kásiporyndardyń Qazaqstanǵa kóbirek qyzyǵýshylyq tanytyp otyrǵanyn aıtty.

«Qazaqstanda usynylǵan bes kásipornymyzdyń tórteýi farmatsevtıka ónerkásibinde jumys isteıdi. Olar úlken somaǵa eksport jasaıdy. Bizdiń yntymaqtastyǵymyz jańa deńgeıge jetýde, ıaǵnı, klassıkalyq taýar aınalymynan basqa, yntymaqtastyqta da, bilim berýde de ınnovatsııalar mańyzdy ról atqarady», - dep atap ótti Mıhaı Varga.

Aıta keteıik, QR Premer-Mınıstriniń orynbasary – Syrtqy ister mınıstri Muhtar Tileýberdi Majarstan Premer-mınıstriniń orynbasary, Qarjy mınıstri Mıhaı Vargamen kezdesti . Muhtar Tileýberdi Majarstanǵa QazVac vaktsınasyn qoldanýdy usyndy.