Majarstan Halyqaralyq Túrki akademııasyna baqylaýshy mártebesin alýǵa ótinish berdi
Mınıstr bastaǵan delegatsııa quramynda Syrtqy saýda jáne Syrtqy ister mınıstrliginiń memlekettik hatshysy Ishtvan Mıkola, memlekettik hatshynyń orynbasary Jolt Chýtora, Vengrııa SSSІM-niń Ortalyq jáne Shyǵys Eýropa elderi men Ortalyq Azııa elderi departamentiniń dırektory Vıktor Sederkenı, Vengrııanyń Qazaqstandaǵy tótenshe jáne ókiletti elshisi Andrash Baranı, sonymen birge Qazaqstannyń Vengrııadaǵy tótenshe jáne ókiletti elshisi Rústem Nurbah boldy.
Mártebeli meımandardy Akademııa basshysy Darhan Qydyráli qarsy alyp, uıymnyń qyzmeti men tarıhy jaıly jan-jaqty málimet berdi.
TWESCO-nyń kóshpeli órkenıet pen ortaq qundylyqtardy zerttep, zerdeleýdegi mańyzyn erekshe atap ótken mınıstr Akademııanyń jumysyn joǵary baǵalady.
Kezdesýde taraptar ekijaqty ǵylymı yntymaqtastyqty odan ary damytyp, keleshekte birlesken jobalar júrgizýge ýaǵdalasty. Majarstan men Akademııa arasynda qalyptasqan seriktestik nátıjesinde júzege asyrylǵan jobalar jóninde de aıtyldy. Sonymen qatar Majarstan Ulttyq Ǵylym akademııasymen aradaǵy yntymaqtastyqty damytý máseleleri de sóz boldy.
Aıta ketý kerek, Halyqaralyq Túrki akademııasy Túrki áleminiń yntymaqtastyq ınstıtýttary arasynda baqylaýshy mártebesine ótinish qabyldaǵan alǵashqy uıym.