Majarlar Naýryz merekesin toılaıdy ma

ASTANA. QazAqparat - Majarstannyń Qazaqstandaǵy Tótenshe jáne ókiletti elshisi Andrash Baranı qazaqstandyqtardy Naýryz merekesimen quttyqtady, dep habarlaıdy QazAqparat tilshisi.

Majarstanda Naýryz merekesin dál sizderdeı toılamaımyz, sebebi 1 100 jyl buryn qazirgi Majarstandaǵy jańa otanymyzǵa kóship barǵanbyz. Biraq, eýropalyq memlekettiliktiń atrıbýty retinde hrıstıandyqty qabyldaý arqyly bul dástúrler Pasha meıramyn toılaýda saqtalyp qaldy dep oılaımyn. Pashadan bólek, majarlar úshin Kóktemgi tepe-teńdik merekesi óte mańyzdy. Bul kúndi majarlar kóktemniń basy dep sanaıdy, jańa kúntizbe engizilgenshe jańa jyl da kóktemgi tepe-teńdikte bastalǵan edi. Sondyqtan, búgin majarlar da merekelik kóńil-kúıde júr. Óz halqymnyń, óz elimniń atynan sizderdi kóktemniń tamasha merekesimen quttyqtaımyn! Bar jaqsylyqty tileımin!», - dep bildirdi lebizin elshi Halyqaralyq Túrki akademııasy (TWESCO)uıymdastyrǵan Naýryz toıynda.

Eske sala ketsek, búgin TWESCO Astanada ejelgi túrkilerdiń «Balǵamen tós soǵý» dástúrin jańǵyrtty.