Majarlar ejelgi túrkilerdiń Karachýn merekesin atap ótti

BÝDAPEShT. QazAqparat - Majarlar ejelgi túrkilerdiń Nartýǵan (Karachýn) merekesin atap ótti. Bul meıram Qazaqstanda Nartýǵan degen atpen tanymal, dep habarlaıdy QazAqparat kurultaj.hu saıtyna silteme jasap.

Karachýn eń kóne eýrazııalyq ádet-ǵuryp bolyp sanalady, osy oraıda qysqy kún toqyraýy meıramy toılanady. Karachýndi «qara tún», sondaı-aq «qara shyń» dep túsindirýge bolady.

Osy mereke aıasynda qatty aıazdy túndi ótkergennen keıin, úlken alaý jaǵylyp, onyń shoǵymen jerdi qyzdyrǵan. Osydan soń kelesi kúni jańa kezeń bastaldy dep eseptelgen. ıAǵnı, tún birtindep qysqaryp, tabıǵat jańa kezeńge ótip, bul merzim Naýryzǵa deıin jalǵasady.

Búginde Karachýn majar elinde atap ótilýde. Olar ejelgi túrki sózine súıene otyryp, «Karachon» deıdi.

Mereke baǵdarlamasy boıynsha, majarlar búkil el aýmaǵynda úlken alaý jaǵyp, shaman ánderin shyrqaıdy. Bul rásimniń máni - jaryq sáýleniń jyldyń eń uzaq túnin tezirek jeńip, qaıta jarqyraýyna járdemdesýde.

Aıta keteıik, «Madııar-Turan» qory sońǵy jyldary dástúrli túrde Karachýndi merekeleýdi uıymdastyryp keledi.