Majar elshisi Túrki akademııasy basshysyna Ofıtserlik krest ordenin tabys etti

ASTANA. QazAqparat - Búgin Majarstannyń Qazaqstan Respýblıkasyndaǵy Tótenshe jáne ókiletti elshisi Andrash Baranı Astanada Halyqaralyq Túrki akademııasynyń basshysy Darhan Qydyrálige Majarstan prezıdentiniń jarlyǵyna sáıkes taǵaıyndalǵan Majarstannyń ofıtserlik krest ordenin saltanatty túrde tabys etti, dep habarlaıdy QazAqparat TWESCO baspasózine silteme jasap.

Marapattaý rásimi akademııada Majarstan elshiligimen birlese uıymdastyrylǵan majar etnografy, professor Mıhaı Hoppaldyń zertteýi boıynsha «Shamandar men jora-rásimder» atty fotokórme aıasynda boldy.

Esterińizge sala keteıik, Majarstannyń eń joǵary memlekettik marapaty Darhan Qydyrálige Qazaqstan Respýblıkasy men Majarstan arasyndaǵy ǵylymı jáne mádenı qarym-qatynastardy nyǵaıtýǵa, sondaı-aq tanymal túrkitanýshy Ishtvan Qońyr Mandokıdiń qundy eńbegin saqtaýǵa qosqan úlesi úshin Majarstan Premer-mınıstriniń usynýymen bıylǵy tamyz aıynda taǵaıyndalǵan edi.