Maınıng fermasynyń «KEGOS» AQ elektr jelilerinde jasyrylǵany anyqtaldy

NUR-SULTAN. QazAqparat – Elimizde jaýapkershilgi shekteýli seriktestikterdiń birinde zańsyz qosylǵan maınıng fermasy anyqtaldy, dep habarlaıdy QazAqparat.

«Bıylǵy 18 qarashada Nur-Sultan qalasynda Energetıka mınıstrligi Atomdyq jáne energetıkalyq qadaǵalaý men baqylaý komıtetiniń qyzmetkerleri jaýapkershiligi shekteýli seriktestiktiń birine tıesili maınıng fermasynyń zańsyz qosylǵanyn anyqtady. Elektr energııasyn qosýdyń bul faktisine «KEGOC» AQ-nyń «Aqmola JET» fılıaly jol bergen. Maınıng tarapynan elektr qýatyna qosylý jáne tutyný kerneýi 500 kıloVolttan joǵary voltty kishi stantsııadan júrgizilgen», - delingen Energetıka mınıstrligi baspasóz qyzmetiniń málimetinde.

Maınıngtik ferma tıisti qyzmetti paıdalaný týraly tsıfrlyq damý salasyndaǵy ýákiletti organǵa aıtpaǵan.

«Komıtet «KEGOS»AQ-ǵa qatysty baqylaý is-sharalaryn júrgizip jatyr. Jalpy «sur» maınıng fermalaryn elektr jelilerine qosýǵa jol berilmeıdi. Sonymen qatar, zańnamaǵa sáıkes, árbir fakti boıynsha áreket etý sharalary qabyldanatynyna ári elektr energııasy qýatynyń naryǵy aıasynda tıisti óndirip alýlar qoldanylatynyna nazar aýdartamyz. Energetıka mınıstrligi memlekettik organdarmen jáne energetıkalyq kásiporyndarmen birlesip, elimizdiń zańnamasyn buzatyn «sur» maınıng fermalaryn anyqtaý men elektr jelilerinen ajyratý boıynsha jumysty jalǵastyrady», - delingen habarlamada.

Budan buryn habarlanǵandaı, eldegi elektr energııasynyń tapshylyǵyna avarııalardyń jıileýi men maınıng óndirisiniń artýy sebep bolǵan.

QR Energetıka vıtse-mınıstri Áset Maǵaýov maınerlerge qatysty shynymen de problama bar ekenin aıtqan bolatyn.