Maınıng fermalar qansha elektr qýatyn tutynyp otyr

NUR-SULTAN. QazAqparat – Ortalyq kommýnıkatsııalar qyzmetinde ótken brıfıngide QR Energetıka mınıstri Maǵzum Myrzaǵalıev maınııng fermalardyń qansha elektr qýatyn tutynatynyn atady, dep habarlaıdy QazAqparat tilshisi.

«Maınıngke qatysty aıtsaq, bul jumystyń bári «KEGOK» júıelik operatorynyń kúshimen istelip jatyr. Solardan alǵan aqparat boıynsha, shamamen 120 MVt elektr tutynyp otyrǵan maınıng fermalar («KEGOK» júıesinen – red) ajyratylǵan. Bul negizinen Qazaqstannyń ońtústigi dep aıtýǵa bolady. ıAǵnı, Jambyl, Túrkistan oblystary jáne Pavlodar oblysy», - dedi vedomstvo basshysy.

Onyń aıtýyna qaraǵanda, energııa tapshylyǵy qatty sezilgen kezderde ashyq jumys istep turǵan maınıng fermalardy da ajyratýǵa týra kelýde.

«Al tehnıkalyq shart alyp, ashyq jumys istep jatqan «aq maınıng» týraly aıtsaq, shamamen 1 GVt nemes 1 000 MVt elektr tuytynyp otyr. Onyń ishinde belsendi túrde 700 MVt qýat tutynylýda. «Aq maınerler» búginde jumys istep tur. Qarasha men jeltoqsan aılarynyń basynda olardy da ajyratqan faktiler boldy. Ásirese tutyný sharyqtaý shegine jetken kezderde. «KEGOK» operatorynan alǵan aqparat boıynsha, ashyq jumys isteıtin maınıng fermalar qazir ajyratýsyz jumys istep tur. Tıisti tehnıkalyq shart alǵan maınerler kedergisiz jumys isteýde», - dedi Maǵzum Myrzaǵalıev.