Maınerlerge taýarly gaz qansha teńgeden satylady

ASTANA. QazAqparat – Tsıfrlyq maınıngke arnalǵan elektr energııasyn óndiretin uıymdar úshin taýarly gazdyń shekti baǵasy bekitilmek, dep habarlaıdy QazAqparat tilshisi.

«Osy buıryqtyń qosymshasyna sáıkes, taýarly gazdy jyldyq tutyný kólemi 10 mln tekshe metrden asatyn iri kommertsııalyq tutynýshylarǵa jáne tsıfrlyq maınıngti júzege asyratyn tulǵalarǵa nemese tsıfrlyq maınıngti júzege asyrý úshin elektr energııasyn óndiretin tulǵalarǵa QR ishki naryǵynda taýarly gazdy kóterme saýdada ótkizýdiń 2023 jylǵy 1 shildeden bastap 2024 jylǵy 30 maýsymdy qosa alǵan kezeńge arnalǵan shekti baǵasy bekitilsin», - delingen Energetıka mınıstriniń Ashyq NQA portalynda jarııalanǵan buıryǵynda.

Qosylǵan qun salyǵyn eseptemegende endi tsıfrlyq maınıng salasyndaǵy uıymdarǵa 1 myń tekshe metr gazdyń shekti quny myna mólsherde bekitilmek:

Astana qalasy - 43 361 teńge;

Almaty qalasy - 53 254 teńge;

Shymkent qalasy - 49 390 teńge;

Aqmola oblysy - 43 361 teńge;

Aqtóbe oblysy - 19 619 teńge;

Almaty oblysy - 53 254 teńge;

Atyraý oblysy - 13 712 teńge;

Batys Qazaqstan oblysy - 18 078 teńge;

Jambyl oblysy - 49 055 teńge;

Jetisý oblysy - 53 254 teńge;

Qaraǵandy oblysy - 43 361 teńge;

Qostanaı oblysy - 40 353 teńge;

Qyzylorda oblysy - 35 017 teńge;

Mańǵystaý oblysy - 21 961 teńge;

Túrkistan oblysy - 49 390 teńge;

Ulytaý oblysy - 43 361 teńge;

Shyǵys Qazaqstan oblysy - 9 076 teńge.

Mınıstr buıryǵy 13 maýsymǵa deıin kópshilik talqysynda bolady.