Maınerler úshin elektr energııasynyń kvotasyn bólý quzyreti Energetıka mınıstrligine beriledi

ASTANA. QazAqparat – QR Energetıka mınıstrligine birneshe mańyzdy quzyret beriledi, dep habarlaıdy QazAqparat tilshisi.

Úkimet qaýlysymen QR Energetıka mınıstrligine tómendegi quzyretter beriledi:

- munaı ónimderin jetkizý jónindegi biryńǵaı operatordy aıqyndaıdy;

- magıstraldyq qubyr salý týraly sheshim qabyldaıdy;

- ónim túrleri boıynsha ulttyq operatorlardy aıqyndaıdy, sondaı-aq olar týraly erejelerdi ázirleıdi jáne bekitedi;

- «Elektr energetıkasy týraly» QR Zańyna sáıkes, tsıfrlyq maınerlerdi elektr jelilerine qosýǵa qoıylatyn talaptardy aıqyndaıdy;

- tsıfrlyq maınerler úshin elektr energııasyna kvotany aıqyndaý tetigin bekitedi;

- elektr energııasyn kóterme tutynýshylar bolyp tabylatyn tsıfrlyq maınerlerdiń qarjy-esep aıyrysý ortalyǵynan elektr energııasyn satyp alý tártibin aıqyndaıdy.

«Qaýly jobasyn qabyldaý Energetıka mınıstrligine retteletin salalarda memlekettik saıasatty qalyptastyrýdy jáne iske asyrýdy jedel júzege asyrýǵa múmkindik beredi. Qaýlyny iske asyrý úshin memlekettik bıýdjetten qarajat talap etilmeıdi jáne teris áleýmettik-ekonomıkalyq, quqyqtyq saldarǵa ákep soqpaıdy», - dep túsindirme berilgen «Ashyq» NQA portalynda jarııalan qaýlyǵa.

Qujat 13 sáýirge deıin kópshilik talqylaýda bolady.