Maınerdiń bir kompıýteri qansha elektr shyǵyndaıdy – Baǵdat Mýsın túsindirdi

NUR-SULTAN. QazAqparat – QR Tsıfrlyq damý, ınnovatsııalar jáne aeroǵarysh ónerkásibi birinshi mınıstri Baǵdat Mýsın Facebook paraqshasynda maınıng fermalardyń eldegi energetıkalyq júıege tıigizip jatqany zııany týraly pikir bildirdi, dep habarlaıdy QazAqparat tilshisi.

«Sońǵy ýaqytta aqparattyq keńistikte maınıng máselesi jıi talqylanyp jatyr. Bizdiń energojúıege «sur maınerlerdiń» zardaby tııýde. Qazir zańsyz maınıngtiń energııa shyǵyny 1 gıgavattan (GVt) asady eken. Máselen, barlyq qosalqy qurylǵysyn eqosqannyń ózinde bir kompıýterdiń tutynatyn qýaty 1000 vattan asa qoımaıdy. ıAǵnı álgi kompıýter 1 GVt elektr qýatyn tutyný úshin 100 jyldan astam ýaqyt damylsyz jumys isteýi qajet. Bul oraıda «sur» maınerlerdiń energetıkalyq júıege túsirip jatqan aýyrtpalyǵy men zııanyn dál baǵamdaý ońaı emes», - deıdi mınıstr.

Sonymen birge, ol maınıng óndirisinen salyq alyný kerek degen ustanymdy qoldaıtynyn aıtady.

«Bastysy, bul kásipke de salyq salynýy tıis. «Sur maınıng» – ekonomıkalyq qylmys, salyq tóleýden jaltarý! Al qylmys jasaǵandar jaýapqa tartylýǵa tıis», - degen Baǵdat Mýsın «sur maınerlerdiń» lokatsııasy týraly aqparaty bar azamattarǵa, derekterdi myna elektrondyq mekenjaılarǵa habarlama jiberýlerińizdi (jasyryn túrde habarlaýǵa bolady) surap otyr:

[e-mail]

[e-mail]

[e-mail].