Maımyl sheshek vırýsy Ýhan zerthanasynda jasalǵan - feık

NUR-SULTAN. QazAqparat - Telegram chattarynda amerıkalyq ázilkeshtiń maımyl sheshek vırýsy AQSh-tyń ulttyq densaýlyq ınstıtýtynyń qoldaýymen Ýhandaǵy zerthanada jasaldy degen málimdemesi keńinen tarady. Munyń bári – jalǵan. Bul týraly QazAqparat stopfake.kz saıtyna silteme jasap habarlaıdy.

Amerıkalyq stend-ap komık Djımmı Dordyń medıtsınalyq bilimi joq, bul salanyń mamany da emes. Demek, onyń osy taqyryptaǵy málimdemelerine senýge negiz joq. Sonymen qatar Djımmı Dor vaktsınatsııaǵa qarsy belsendi tulǵa jáne áıgili covid-dıssıdent. Ol kópshilik aldynda COVID-19 ólimge ákeletin aýrý emes jáne is júzinde odan ólmeıdi, al statıstıkany dúrbeleń týdyrý úshin kóteredi dep aıtqan. Bul teorııany Health Feedback medıtsınalyq portalynyń faktchekerleri joqqa shyǵardy.
Onyń maımyl sheshek vırýsy Ýhan zerthanasynda jasaldy degen ıdeıasy da durys emes. Ol Ýhan vırýsologııa ınstıtýtynyń zertteýshileri buǵan deıin maımyl sheshegi vırýsynyń genomyn ashý maqsatynda jumys istegeni týraly taralǵan jańalyqqa negizdelgen.
Shyn máninde, bul jerde kúdikti eshteńe joq. Maımyl sheshek vırýsy 1958 jyly tabylǵan jáne sodan beri ony mamandar zerttep keldi. Ol týdyrǵan aýrý endemıkalyq memleketterde taraldy, olardyń basym bóligi Afrıka elderi boldy.
Keıde indet osy kontınentten tys jerlerde de tirkeldi. Mysaly, 2003 jyly AQSh-ta iri indet oshaǵy anyqtaldy. 2018 jáne 2019 jyldary maımyl sheshegin Ulybrıtanııa men Sıngapýr turǵyndary juqtyrǵan.
ıAǵnı, maımyl sheshek vırýsy jańa emes, ol burynnan belgili jáne yqtımal qaýpi bar patogen. Zertteýshiler ony zertteýmen aınalysady jáne bul jerde erekshe eshteńe joq.
Ýhan vırýsologııa ınstıtýtynda maımyl sheshek vırýsy shynymen zertteldi. Qyzmetkerler onyń genomyn ashý baǵytynda jumys istedi jáne olar tizbektiń úshten birin anyqtaı aldy. Alaıda, bul ǵalymdar vırýs nemese onyń shtamdaryn jasady degenniń belgisi emes.
Sonymen qatar táýelsiz sarapshylar men ǵalymdar maımyl sheshek vırýsy qandaı da bir zerthanada jasalýy múmkin ekendigine eshqandaı dálel tappady. Sarapshylar patogen tabıǵı túrde paıda boldy jáne kóp jyldan beri bar degen ortaq pikirde.

Demek, ázilkeshtiń maımyl sheshek vırýsy Ýhan zerthanasynda jasaldy degen tujyrymdary ótirik. Maımyl sheshegi – burynnan belgili aýrý, onyń qozdyrǵyshy qoldan jasaldy degenge eshqandaı dálel joq.

Foto: stopfake.kz