Maımyl sheshegine baılanysty Kalıfornııa men Illınoısta tótenshe jaǵdaı jarııalady

VAShINGTON. QazAqparat – Kalıfornııa men Illınoıs shtattarynda maımyl sheshegi vırýsyna baılanysty tótenshe jaǵdaı jarııalandy, dep habarlaıdy QazAqparat NBC News-ke silteme jasap.

Tótenshe jaǵdaı rejımi shtattarǵa aýrýmen kúresý úshin barlyq qoljetimdi densaýlyq saqtaý resýrstaryn usynady. Gýbernatorlar ákimshilikteriniń málimetinshe, shtattar vaktsınalardy shuǵyl túrde satyp alýǵa múmkindik alady, al olardyń densaýlyq saqtaý departamentterine vaktsınalardy taratý boıynsha barlyq ókilettik beriledi. Ótken aptada Nıý-Iork shtatynda maımyl shesheginiń órshýine baılanysty tótenshe jaǵdaı jarııalanǵannan keıin osyndaı málimdeme jasaldy.

AQSh Aýrýlardy baqylaý jáne aldyn alý ortalyqtarynyń deregi boıynsha, maımyl sheshek aýrýynyń sany boıynsha Nıý-Iork (1390), Kalıfornııa (827) jáne Illınoıs (520) shtattary kósh bastap tur.

Foto: Jessica Christian / San Francisco Chronicle via AP file