Maımyl sheshegine qarsy vaktsınalaý júrgizilmeıdi – EO
Euronews habarlaǵandaı, Eýropadaǵy qalyń jurtshylyq úshin aýrýdyń qaýpi tómen dep baǵalanyp otyr. Eýropalyq Odaq shekaralyq baqylaýda nemese qaýymdastyq deńgeıinde vaktsınalaý sııaqty qosymsha sharalar qajet dep sanamaıdy.
Eýrokomıssııanyń densaýlyq saqtaý qaýipsizdigi jónindegi komıteti Eýropalyq aýrýlardyń aldyn alý jáne baqylaý ortalyǵy men Eýropalyq dári-dármek agenttiginiń sarapshylarymen kezdesýden keıin osyndaı qorytyndyǵa keldi.
Kezdesý beınekonferentsııa túrinde jáne Dúnıejúzilik densaýlyq saqtaý uıymy men Afrıkanyń aýrýlardy baqylaý ortalyǵy ókilderiniń qatysýymen ótti.
Eýrokomıssııa ókiliniń Euronews-ke habarlaýynsha, qoǵamdyq densaýlyq jaǵdaıy qazirgi ýaqytta shuǵyl sharalardy qajet etpeıdi. Degenmen, Komıtet úılestirilgen tásildiń mańyzdylyǵyn jáne jaǵdaıdy muqııat baqylaýdy jalǵastyrý qajettigin atap ótti.
Ótken aptada Dúnıejúzilik densaýlyq saqtaý uıymy Kongo Demokratııalyq Respýblıkasy men kórshiles Afrıka elderindegi indetke baılanysty maımyl sheshegi (mpox) aýrýyn halyqaralyq deńgeıdegi densaýlyq saqtaý salasyndaǵy tótenshe jaǵdaı dep jarııalady.
Aýrýlardyń aldyn alý jáne baqylaýdyń Eýropalyq ortalyǵy sonymen qatar vırýstyń Afrıkada taralýyna baılanysty maımyl sheshegin syrttan ákelý jaǵdaılarynyń joǵarylaý qaýpi bar ekenin eskertti. Sarapshylar Eýropada vırýstyń áseri áli de az dep sanaıdy, biraq halyqtyń habardar bolýyn arttyrýdy, testileý júrgizý jáne naýqastardyń baılanysta bolǵan adamdardy anyqtaýdy usynady.
Mamandar maımyl sheshegi vırýsy tek aýrý janýarlardan ǵana emes, adamnan adamǵa jynystyq qatynas nemese aýa-tamshyly jolmen juǵýy múmkin ekenin eskertedi. Oramal nemese tósek-oryn sııaqty vırýspen lastanǵan zattar da qaýipti canalady.