Maıkl Pens AQSh prezıdenttigi úshin kúresti toqtatty

<p>Amerıkanyń burynǵy vıtse-prezıdenti Maıkl Pens el prezıdenttigine úmitker retinde saılaýaldy naýqanǵa qatysýyn toqtatty. Bul týraly ol Las-Vegasta (Nevada shtaty) sóılegen sózinde málimdedi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;agenttigi&nbsp;<a href="https://tass.ru/mezhdunarodnaya-panorama/19144397" target="_blank" rel="noopener">TASS-qa</a>&nbsp;silteme jasap.</p>

Tikeleı translıatsııany C-SPAN telearnasy júrgizdi.

«El boıynsha sońǵy alty aıdaǵy saparlarymnan keıin osynda kelesini aıtýǵa at basyn tirep turmyn: ázirge meniń ýaqytym kelmegenin túsindim. Búginnen bastap prezıdent saılaýyndaǵy kampanııamdy toqtatý sheshimin qabyldadym», – dedi M.Pens.

Ol 2024 jyly ótetin AQSh prezıdentin saılaýǵa Respýblıka partııasynan túsýge talpynǵan bolatyn. Atalǵan laýazym úshin kúreske maýsym aıynda kirisken edi.

Áleýmettik saýalnama nátıjesine súıensek, Maıkl Pens daýys berýshilerdiń basym daýysyna ıe bola almady. Respýblıka partııasynan Amerıka prezıdenttigine úmitkerler arasyndaǵy favorıt – eks-prezıdent Donald Tramp. Onyń qarsylastary qatarynda Florıda shtatynyń gýbernatory Ron Desantıs, BUU janyndaǵy AQSh-tyń eks-turaqty ókili Nıkkı Heılı, Ońtústik Karolına shtatynan senator Tım Skott, kásipker Vıvek Ramasvamı bar.

M.Pens Donald Tramp ákimshiliginiń vıtse-prezıdenti qyzmetinde 2017-2021 jyldar aralyǵynda boldy.