Maıqaıyńdaǵy oıyqqa túsip ketken avtobýs tabyldy

<p>PAVLODAR. KAZINFORM &ndash; Maıqaıyń-altyn kenishindegi shahta oıyǵyna túsip ketken avtobýs tabyldy. Qutqarýshylar ony keshe keshkisin baıqap, qazirgi ýaqytta ony qazyp shyǵarýǵa árekettenip jatyr.</p>

Іshinde kólik júrgizýshi Aıyp Tileýbergenovtiń denesi bolýy múmkin dep boljanyp otyr. Avtobýs arada 7 aıǵa jýyq ýaqyt ótkende topyraq arasynan tabyldy. 

«Maıqaıyń-altyn» AQ taý-ken aýdanyndaǵy opyrylǵan jerde izdestirý jumystary jalǵasyp jatyr. Tehnıka 24 shilde kúni keshkilik topyraq arasynan baıqala bastaǵan. «Qazý jumystary kezinde qutqarýshylardyń avtobýsy tabyldy. Aýa raıynyń qolaısyzdyǵyna (jańbyr men jel) jáne topyraqtyń qulaý qaýpiniń saqtalýyna baılanysty jumystar asa saqtyqpen júrgizilýde. Búgin tańǵy saǵat 05.00-den bastap izdestirý jumystary qaıta jandandy. Qazirgi ýaqytta kóliktiń aldyńǵy bóligine deıin jetý múmkin bolyp, bamperi men dońǵalaǵy kórindi. 55 jastaǵy tórtinshi qutqarýshy, júrgizýshi Aıyp Tileýbergenovtiń denesi áli tabylǵan joq. Jaqyn arada izdestirý jumystary nátıje beredi degen úmittemiz», - dep habarlady Pavlodar oblysy ákiminiń baspasóz qyzmetinen. 

Eske sala keteıik, buǵan deıin Maıqaıyńda alty aıdan soń úshinshi qutqarýshynyń múrdesi tabyldy. 

Marqum Aıdos Shaımerdenniń denesi 70 metr tereńdikten qazyp alynǵan.