Maıqaıyńdaǵy apat: qutqarýshylarǵa shaǵyn ekskavator kómekke keldi

<p>Kenish aýmaǵyndaǵy avtobýsty izdestirýge qosymsha tehnıka jumyldyryldy. Salmaǵy 3,5 tonnalyq shaǵyn ekskavator oıyq túbinde qazý jumystaryn júrgizedi, dep habarlaıdy<a href="https://kaz.inform.kz/" target="_blank" rel="noopener"> Kazinform.</a></p>

Pavlodar oblysy Tótenshe jaǵdaılar departamentiniń qutqarýshylary shuńqyrdyń túbinde marksheıder reıkasyn ornatý jáne avtobýstyń boljamdy ornalasqan jerin sıgnaldyq lentamen belgileý boıynsha jumystardy júrgizdi.

Foto: Pavlodar oblysynyń TJD

«Tehnıkanyń ótýi úshin baǵanaly joldy keńeıtý jumystary jalǵasýda. Jalpy opyrylǵan jerden 110 myńnan astam tonna topyraq pen taý jynystary shyǵaryldy. Sonymen qatar, jazataıym oqıǵanyń sebepterin tergeý jónindegi komıssııanyń jumysy jalǵasýda. Komıssııa músheleri oıyqtyń ústińgi qabattaryndaǵy opyrylý áserin anyqtaý maqsatynda kenishtiń astyna túsip, zerdelep shyqty», - dep habarlady óńirlik tótenshe jaǵdaılar departamentinen.

Avtobýsty izdeý jumystaryna barlyǵy 142 adam, 50 tehnıka, 3 kınologııalyq top jáne 2 ushqyshsyz ushý apparaty jumyldyryldy.

Foto: Pavlodar oblysy TJD

Eske sala keteıik, 4 qańtar kúni «Maıqaıyńaltyn» ken ornynda úlken oıyq mańyndaǵy topyraq opyrylyp, 4 adam mingen avtobýs jer astyna túsip ketken bolatyn.