Maıqaıyńdaǵy apat: qutqarýshylar oıyq túbindegi úlken tastardy qolmen arshyp jatyr

<p>PAVLODAR. KAZINFORM - Qutqarýshylar ekskavatordyń kúshi jetpeıtin úlken tastardy qolmen alyp tastaýda. Pavlodar oblystyq tótenshe jaǵdaılar departamenti bul týraly beınejazbamen bólisti.&nbsp;</p>

Óńirlik tótenshe jaǵdaı departamentinen habarlaǵandaı, Maıqaıyń altyn kenishi mańynda ishinde qutqarýshylar bar avtobýsty izdestirý jumystary jalǵasýda.

- Qazirgi ýaqytta qutqarýshylar ekskvatordyń jolyna bógeý bolyp turǵan salmaǵy 5 tonnadan asatyn, asa iri emes tastardy pnevmo-elektr quraldarynyń kómegimen alyp tastap jatyr. Qutqarýshylar aýyr jaǵdaıda jumys isteýde. Oıyq shetindegi topyraqtyń tómen syrǵýy áli de jalǵasýda. Barlyq jumysqa 147 adam, 45 tehnıka jumyldyrylǵan, - deıdi Pavlodar oblysy tótenshe jaǵdaılar departamenti bastyǵynyń orynbasary Oleg Treşev.

Eske sala keteıik, jer astyna túsip ketken qutqarýshylardy izdeýge Aıgúl esimdi kóripkel Maıqaıyńǵa keldi. Pavlodar oblystyq tótenshe jaǵdaılar departamentiniń basshylyǵy balgerdiń kelýine bizdiń esh qatysymyz joq dep málimdedi. 

Polıtsııa men prokýratýra Maıqaıyńdaǵy apat boıynsha qozǵalǵan qylmystyq isti tergep jatyr.