Maıqaıyńda oıyqqa túsip ketken adamdardy geologııalyq skanermen izdep jatyr

<p>Maıqaıyń altyn kenishinde jer astyna túsip ketken avtobýsty tabý úshin Balqash qalasynan geologııalyq skanerleý qurylǵysy jetkizildi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Búgin oıyqtyń erneýine „Bogatyr Kómir“ kásipornynyń úlken krany ornatyldy. „AK Altynalmas“ AQ men Pavlodar oblystyq tótenshe jaǵdaı departamentiniń mamandary kran kómegimen shuńqyr tabanyna skanerleý qurylǵysyn túsirdi. Geologııalyq zertteý quraly qulaǵan topyraq úıindilerin skanerlep, jer astynda paıda bolǵan bos keńistikterdi, metall men ózge de qubylystardy izdep jatyr» dep habarlady óńirlik tótenshe jaǵdaı departemintiniń baspasóz qyzmeti.

Foto: kýágerler fotosy

Eske sala keteıik, 4 qańtar kúni «Maıqaıyńaltyn» ken ornynda úlken oıyq mańyndaǵy topyraq opyrylyp, 4 adam mingen avtobýs jerdiń astyna túsip ketken bolatyn.

Keıin oqıǵa ornynan eki adamnyń denesi tabyldy.

Keshkisin tabylǵandardyń kim ekeni belgili boldy.

Oqıǵa ornynda ıisshil ıtter jumys istep jatyr. Opyrylǵan jerde áli de topyraq syrǵyp túsip jatyr, opyrylý shekarasy turaqty emes.

Baıanaýylda ken ornynda kóz jumǵan jáne iz-túzsiz ketkenderdiń otbasyna 4,5 mln teńgeden beriledi.

Qaza tapqandardy jerleý rásimine 2 mln teńgeden bólindi.

Maıqaıyńdaǵy altyn kenishi týraly ne bilemiz?

Altyn kenishindegi qaıǵyly jaǵdaıǵa baılanysty polıtsııa sotqa deıingi tergeýdi bastady.