«Maıqaıyńaltyn» AQ-nyń ken baıytý kombınaty qaıta iske qosyldy

<p>PAVLODAR. KAZINFORM - Búgin &laquo;Maıqaıyńaltyn&raquo; AQ-nyń ken baıytý kombınaty ken aıyrý jumystaryn qaıta bastady. Kásiporyn boıynsha 750 adam jumysqa qaıta shyqqan. Kombınatqa qajetti shıkizat 100 shaqyrym jerden tasylyp jatyr.</p>

Aktsıonerlik qoǵamnyń bas dırektory Qýanysh Botın Kazinform agenttiginiń tilshisine bergen suhbatynda kásiporynda jalpy sany 750-deı adam turaqty jumysqa shyqqany týraly aqparatty rastady.

«Shıkizatty Baıanaýyl aýdany aýmaǵynda ornalasqan Sývenır ken ornynan tası bastadyq. Ol jer bizdiń kombınattan 100 km qashyqtyqta ornalasqan. Kendi júk kólikterimen tasımyz. Ken ornymen jasalǵan shartta kórsetilgen shıkizat bizdiń kombınattyń jumysyn 2 aıǵa qamtamasyz etedi. Bastysy, qyzmetkerlerimiz óz jumys oryndaryna qaıta oraldy», - dedi Q.Botın.

Al kásiporyndaǵy kenishtiń 150-den astam shahteri ázirshe májbúrli demalysta qala beredi.

Eske sala keteıik, «Maıqaıyńaltynǵa» qarasty ken baıytý fabrıkasy 1 sáýirge deıin jumysyn toqtatatyny týraly habarlaǵan edik.