«Maıqaıyńaltyn» AQ aýmaǵynda izdestirý-qutqarý jumystary toqtatyldy

<p>PAVLODAR. KAZINFORM - &laquo;GRP-RIDDER-GROUP&raquo; JShS júrgizgen zertteý nátıjeleri oıyq túbinde topyraq qurylymy ózgerip, álsiregenin anyqtady. Astyndaǵy qýystar men bos keńistikterdiń qulaý qaýpi óte joǵary.</p>

Tótenshe jaǵdaılar qyzmetkerleri atalǵan ýchaskede qandaı da bir taý-ken, izdestirý-qutqarý jumystaryn júrgizý qutqarýshylar men mamandar úshin úlken qaýip tóndirip turǵanyn aıtady.

«Apatty joıý jónindegi basshynyń orynbasary - KÁAQQ RShO Pavlodar fılıaly dırektorynyń orynbasary Erlan Jarqymbekov qutqarýshylardyń, ekskavator mashınısteriniń ómirine qaýip tónýine baılanysty júrgizilip jatqan jumystardy toqtata turý týraly sheshim qabyldady», - dep habarlady óńirlik tótenshe jaǵdaılar departamentinen.

Osyǵan baılanysty «Maıqaıyńaltyn» AQ basshylyǵy ÁQQB RQSh QQ-men birlese otyryp ónerkásiptik qaýipsizdik, taý-ken, geologııalyq jumystar salasyndaǵy sarapshyny kenish aýmaǵyna shaqyrdy. Maman apattyń barlyq perımetrin tekserip shyqqan soń, izdestirý-qutqarý jumystaryn jalǵastyrý nemese tolyq toqtatý týraly qorytyndy shyǵarylady.

Qazirgi ýaqytta Pavlodar oblysy TJD barlyq kúshteri men quraldary jumys júrgizilip jatqan jerde tur.