Maıqapshaǵaı keden beketinde radıatsııalyq taýar keri qaıtaryldy

ÓSKEMEN. QazAqparat - Shyǵys Qazaqstan oblysy boıynsha kedendik baqylaý departamentine qarasty Maıqapshaǵaı keden beketinde radıatsııasy mólsherden tys taýar keri qaıtaryldy, dep habarlaıdy QazAqparat tilshisi.

25 qańtarda atalmysh keden beketine Qytaıdan kendi ydyratý úshin óndiriste qoldanylatyn keramıkalyq sharlar kelip túsken. Kedendik odaq aýmaǵyna arnaıy tapsyrys  boıynsha jiberilgen taýardy Maıqapshaǵaı beketiniń qyzmetkerleri radıatsııaǵa teksergen. «ıAntar-1A» qondyrǵysy taýardyń quramyndaǵy radıatsııa mólsheri normadan 3,4 ese kóp ekenin anyqtaǵan.

«Óndiristik taýardyń jalpy salmaǵy 1555000 keli. Taýar dereý Qytaı Halyq Respýblıkasyna qaıtaryldy. Keden beketiniń radıatsııalyq zattardy anyqtaýǵa arnalǵan ozyq qondyrǵylarmen jabdyqtalýynyń arqasynda taǵy da bir zııandy taýar el aýmaǵyna jiberilgen joq», - delingen oblystyq kedendik baqylaý departamentiniń málimetinde.