Maıqapshaǵaı keden beketinde radıatsııalyq taýar keri qaıtaryldy

ÓSKEMEN. QazAqparat - Shyǵys Qazaqstan oblysy boıynsha kedendik baqylaý departamentine qarasty Maıqapshaǵaı keden beketinde radıatsııasy mólsherden tys taýar keri qaıtaryldy, dep habarlaıdy QazAqparat tilshisi.

25 qańtarda atalmysh keden beketine Qytaıdan kendi ydyratý úshin óndiriste qoldanylatyn keramıkalyq sharlar kelip túsken. Maıqapshaǵaı beketiniń qyzmetkerleri Keden odaǵynyń aýmaǵyna arnaıy tapsyrys boıynsha jiberilgen taýardyń radıatsııasyn tekserdi. «ıAntar-1A» qondyrǵysy taýardyń quramyndaǵy radıatsııa mólsheri normadan 3,4 ese kóp ekenin kórsetti.

«Óndiristik taýardyń jalpy salmaǵy 1 555 000 keli. Taýar dereý Qytaı Halyq Respýblıkasyna qaıtaryldy. Keden beketiniń radıatsııalyq zattardy anyqtaýǵa arnalǵan ozyq qondyrǵylarmen jabdyqtaýlynyń arqasynda taǵy da bir zııandy taýar el aýmaǵyna jiberilgen joq», delingen oblystyq kedendik baqylaý departamentiniń málimetinde.