«Maıqapshaǵaı-Qalbataý» tasjolyn salyp jatqan merdigerge aıyppul salyndy

<p>Shyǵys Qazaqstan oblysynda &laquo;Maıqapshaǵaı-Qalbataý&raquo; tasjolyn salyp jatqan merdigerge 3 mln teńgege jýyq aıyppul salyndy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

ShQO memlekettik sáýlet-qurylys baqylaý basqarmasy respýblıkalyq mańyzy bar «Maıqapshaǵaı-Qalbataý» tasjolynda júrgizilip jatqan qurylys jumystaryna jospardan tys tekserý júrgizdi. Sonyń nátıjesinde, oryndalǵan jumystar bekitilgen jobaǵa jáne memlekettik standarttarǵa, onyń ishinde qurylymdardyń beriktigi men turaqtylyǵyn qamtamasyz etýge qatysty normalarǵa sáıkes kelmeıtini anyqtaldy.

«Merdiger kompanııa bul jumystardy 2016 jyldan beri júrgizip jatyr. Buzýshylyqtarǵa sáıkes oǵan QR ÁQBtK-niń 315-babymen 100 AEK (345 000 teńge), 312-baby 1-bóligimen 700 AEK (2 415 000 teńge) mólsherinde aıyppul salyndy», - dep habarlady basqarmadan.

Alaıda merdiger buǵan kelispeı, sotqa aryz túsirgen. Óskemen qalalyq ákimshilik quqyq buzýshylyq isteri jónindegi mamandandyrylǵan soty bul aryzdy qanaǵattandyrýsyz qaldyrdy.