Maık Pompeonyń Qazaqstanǵa sapary strategııalyq áriptestik aıasyndaǵy yntymaqtastyqty damytýǵa múmkindik beredi - SІM
«Qazirgi ýaqytta bizdiń ekonomıkamyzdaǵy eń iri ınvestor bolyp tabylatyn AQSh-qa táýelsizdigimiz ben egemendigimizge júıeli túrde qoldaý kórsetip kele jatqany úshin zor iltıpatymyzdy bildiremiz. Qazirgi tańda bizdiń yntymaqtastyǵymyz HHІ ǵasyrdaǵy Qazaqstan men AQSh-tyń keńeıtilgen strategııalyq áriptestik mártebesine ıe. Bul deńgeıge 2019 jyly Vashıngton qalasynda eki el basshylary — QR Tuńǵysh prezıdenti Nursultan Nazarbaev pen AQSh prezıdenti Donald Tramptyń kelissózderiniń nátıjesinde qol jetkizildi»,- deıdi Muhtar Tileýberdi.
Ol Nur-Sultan men Vashıngton saıası qatynastar, saýda-ekonomıkalyq jáne ınvestıtsııalyq ózara yntymaqtastyq, qaýipsizdik jáne halyqaralyq terrorızmge qarsy kúres, qarý taratpaý men qarýsyzdandyrý, adam quqyqtary men dinı bostandyq jáne basqa da salalarǵa ózara yntymaqtastyqty damytý boıynsha ártúrli deńgeıde birneshe alańdar formatynda sapaly dıalog júrgizýde ekenin aıtty.
«Bizdiń Maık Pampeomen kelissózderimiz ekonomıkalyq yntymaqtastyqty sapaly damytýǵa degen yntamyzdy taǵy da rastady. Búgin amerıkalyq áriptestermen progmatızm rýhynda memleketterimiz arasyndaǵy ınvestıtsııalyq qatynastardy ártaraptandyrý máselelerin talqylaýdamyz. AQSh-ty Qazaqstan tarapy ınvestıtsııa, jańa tehnologııa men bilimniń, sondaı-aq álemdik deńgeıdegi standarttardyń qaınar kózi retinde qarastyrady», - dedi ol.
Sondaı-aq, ol 2019 jyldyń sońynda ekonomıkalyq, shıkizattyq emes sıgmentindegi aldyńǵy qatarly jobalardyń biri amerıkalyq aýylsharýashylyǵy alyby Taıson Fýdty bizdiń elge tartý bolǵany týraly aıtty.
«Bul joba búkil aýylsharýashylyq jáne odan tys salalarǵa mýltıplıkatıvtik nátıje beredi. Aqparattyq tehnologııalar únemi ónerkásiptik óndiristiń, ekonomıkalyq ózara yqpaldastyqty odan ári nyǵaıtý úshin mańyzdy áleýetke ıe. AQSh memlekettik hatshysymen kezdesý barysynda biz sharttyq-quqyqtyq bazasynda jańa kelisimder men tolyqtyrýlarǵa, ekonomıkalyq yntymaqtastyqty odan ári ártaraptandyrýǵa jáne óńirlik formatta AQSh-pen ózara yntymaqtastyqty nyǵaıtýǵa nazar aýdardyq. Jýyrda Qazaqstan men AQSh arasynda qol qoıylǵan qujattar ishinen «Ashyq aspan týraly« kelisimdi atap ótý mańyzdy. Ol bizdiń memleketter arasynda tikeleı áýe qatynasyn ashýdy basqa iske qosylǵan qazaqstandyq áýe kompanııalary men áýejaılar úshin qaýipsizdik pen joǵary standarttardy engizýge múmkindik beredi. Sondaı-aq, áriptestermen AQSh sanktsııalyq jaǵdaıynda Qazaqstannyń ekonomıkalyq ósý máselelerin talqyladyq. Memlekettik departament bizdiń zańdy jáne tulǵalarǵa qatysty sanktsııalyq áserin boldyrmaý maqsatynda qazaqstandyq tarapty qoldaýdy jalǵastyrady. Biz halyqaralyq terrorızmge, ekstremızmge jáne radıkaldy ıdeologııanyń taralýyna qarsy kúrestegi yntymaqtastyqty qoldaımyz. Biz Sırııa men Iraktyń soǵys aımaqtarynan qaıtarylatyn azamattardy ońaltý jáne ıntegratsııalaý boıynsha memlekettik departamentpen áriptestigimizdi jalǵastyramyz. Qazaqstan C5+1 dıalogy aıasynda yntymaqtastyqtyń aımaqtyq formatyn belsendi qoldaıdy. Erteń Tashkentte S5+1 dıalogyn mınıstrler deńgeıinde ótkizýdi josparlap otyrmyz. Ortalyq Azııa óńiriniń ekonomıkasyna ınvestıtsııalar men tehnologııalardy tartýdy yntalandyrady. Memleketterimizde ómir súrý deńgeıin jaqsartýdy qamtamasyz etedi. Sonymen qatar, kórshiles Aýǵanstanǵa tabysty eksport jasaýǵa múmkindik beredi. Bul aımaǵymyzben áriptestikti nyǵaıtý úshin tańdalǵan AQSh-tyń Ortalyq Azııa boıynsha strategııalyq basymdylyqtarynyń biri. Taratpaý jáne qarýsyzdandyrý salasyndaǵy kópjyldyq tıimdi yntymaqtastyqtan basqa biz halyqaralyq kún tártibindegi memleketterimizdiń basym baǵyttaryn, onyń ishinde Elbasynyń jahandyq, qaýipsizdik, ekonomıkalyq damý jáne órkendeý jolyndaǵy iri derjavalardyń arasyndaǵy senimdi qalpyna keltirý jónindegi bastamany talqyladyq. Osylaısha AQSh Memlekettik hatshysynyń Qazaqstanǵa sapary deńgeıli strategııalyq áriptestik aıasyndaǵy yntymaqtastyqty jalǵastyrýǵa degen talpynysymyzdy rastaýǵa jáne ony 2020 jyly odan ári damytýǵa múmkindik beredi. Maık Pompoe osy jáne ózge de máselelerdi prezıdentimiz Qasym-Jomart Toqaevpen jáne Elbasymyz Nursultan Nazarbaevpen kezdesýinde talqylaıdy, - dedi Muhtar Tileýberdi.