Maıdanger Quspan Boranbaevtyń súıegi Novgorodtan tabyldy

AQTÓBE. QazAqparat - Aqtóbelik izdeý jasaǵy Reseı jerinen qazaqstandyq jaýynger Quspan Boranbaevtyń súıegin tapty. Qazir Ekinshi dúnıejúzilik soǵysta qaza bolǵan atyraýlyq jaýyngerdiń týǵan-týystary izdestirilip jatyr, dep habarlaıdy QazAqparat tilshisi.

«Jyl saıyn sáýir aıynyń aıaǵy men mamyr aıynyń basynda soǵys bolǵan Novgorod oblysyna jer-jerden izdeý jasaqtary jınalyp, qazba jumystaryn júrgizedi. Batpaqty jerde keńes áskeriniń jaýyngerlerin izdeý jumystary úzdiksiz júrip jatyr. Keıde sapar tabysty bolady, keıde esh nátıje bermeıdi. Bul joly biz qazaqstandyq jaýyngerdiń medalin taýyp aldyq. Ol Quspan Boranbaevqa tıesili», - dedi «Jaýyngerlik baýyrlastyq» qorynyń quryltaıshysy Gýmer Galeev.

Tabylǵan jaýynger súıegi Quspan Boranbaevqa tıesili. Ol Gýrev, qazirgi Atyraý oblysynan soǵysqa attanǵan. Qujat boıynsha Dendızskıı aýdany, Morekýıskıı aýyldyq soveti, Qyzyltýk aýylynyń týmasy. Іzdeý jasaǵynyń aıtýynsha, jaýynger Quspan Boranbaev soǵysqa attanǵan kezde otbasyly bolǵan.

Aıta keteıik, 1942 jyly Reseıdiń Novgorod oblysy, Olhovets Parfınskıı aýylyna shabýyl jasalyp, urys bolǵan.

«Jaýynger kúni búginge deıin iz-túzsiz joǵalǵandardyń qatyrynda bolǵan. Maıdanger Boranbaevtyń týǵan-týystary tabylyp jatsa, Novgorod oblysy, Parfınskıı aýdanynyń ákimshiligine habarlasýyn suraımyz. Qazir qaıta jerleý rásimi júrip jatyr. Biraq izdeý jasaǵy Boranbaevtyń súıegin týǵandaryna berýge ázir»,  - dedi Gýmer Galeev.