Maıdanger Ǵabbas Jumatov stýdent jastarmen kezdesti
Bul týraly búgin Uly Otan soǵysynyń ardageri, QazUÝ professory Ǵabbas Jumatov ál-Farabı atyndaǵy QazUÝ jastarymen kezdesý barysynda aıtty.
«Stýdentter men jastarǵa aıtarym, sender ýnıversıtetti bitirgennen soń múlde ózgeshe ortada jumysqa kirisesińder. Bolashaq naryqtyq ekonomıka zamany, joǵary tehnologııalar men ınternet zamany. Kúnde ózgerip, damyp otyrǵan ómirde óz ornyńdy taba bilý de ońaı emes. Bizdiń elimizdiń qarqyndy damýyna áli de naǵyz maman men mashyqtanǵan kásipti meńgergender tapshy. Ásirese, ekonomıka men ǵylym salasynda, sol úshin kóbirek oqyp, únemi jan-jaqty izdenis ústinde bolyp, bilimdi ustazdardan sol bilim nárimen sýsyndaýǵa asyǵyp, jaqsy bilim alýǵa tyrysyńdar. Qazaqstannyń bolashaǵy sizderge amanat. Uly Otan soǵysy men eńbek ardagerleri sendermen maqtan tutatyndaı bolýlaryń kerek»,- dedi ardager.
Ǵabbas Jumatov - Brest qamalynyń ońtústik bekinisin qorǵaýshylardyń biri, Uly Otan soǵysynyń ardageri, Qazaqstanǵa eńbegi sińgen qaıratker, ál-Farabı atyndaǵy Qazaq ulttyq ýnıversıtetiniń professory, Aqsaqaldar keńesiniń tóraǵasy. Ǵabbas Jumatovqa «Otan soǵysynyń birinshi dárejeli» ordeni eki ret, «Otan soǵysynyń ekinshi dárejeli» ordeni jáne «Qyzyl juldyz» ordeni, «Germanııany jeńgeni úshin», «Máskeýdi qorǵaǵany úshin», «Býdapeshti azat etkeni úshin» medaldary berilgen.
1939 jyldyń sońy 1941 jyldyń basynda ásker qataryna shaqyrylǵandar ishinde Ǵabbas Jumatov ta bolady.
1942 jyly jeltoqsanda Tomsk qalasyna, artıllerııa ýchılışesiniń jedeldetip oqytý kýrsyna jiberiledi, oqýdy aıaqtaǵannan keıin Ońtústik maıdannan (І, ІІ, ІІІ Ýkraına maıdany) Qyzyltýly 5-shi Don qazaktary kavalerııa korpýsyna joldama alady. Osy korpýstyń tankige qarsy 150-shi atqyshtar artıllerııa polkynyń quramynda jerles leıtenant K.Galıýllınmen birge - Ýkraına shaıqasyna, Korsýn-Shevchenko jáne ıAssko-Kıshınovskide fashısterdiń iri tobyn joıýǵa, Rýmynııa, ıÝgoslavııa, Vengrııa, Avstrııanyń birneshe aýdandaryn jaýdan azat etýge qatysady.
Uly Otan soǵysy bastalǵan kezde 6-qyzyl týly atqyshtar dıvızııasynyń 204-gaýbıtsalyq artıllerııa polkynda boldy.
1944 jyly 20-26-sy kúnderi 70-armııa qııan-keski shabýyl jasap, Brest qalasy men Brest qamalyn fashısterden azat etti. Ǵabbas Jumatov 70-shi armııaǵa qarasty 14-shi atqyshtar dıvızııasynyń 226-shy artıllerııa polkynda zeńbirek komandıri boldy. Uly Otan soǵysynan sońǵy ýaqytyn ǵylym, bilim salasyna arnady.