Maıdanǵa Semeıden attanǵan soldattyń súıegi Estonııadan tabyldy

ASTANA. QazAqparat  - Estonııada 1941-1945 jyldardaǵy ekinshi dúnıejúzilik soǵysta qaza tapqan, Qazaqstannyń Semeı qalasynan ketken Nıkolaı Sorokın atty qyzyl áskerdiń súıegi tabyldy, dep habarlaıdy QazAqparat.

«2016 jyldyń 22 sáýirinde Ida-Vırýmaa ýeziniń Sırgala atty kentinde qazba jumystary júrgizilip, 1944 jyly Estonııany nemisterden azat etken kezde qaza tapqan, keýdesinde  811663 nómirli «Erligi úshin» medali bar qyzyl ásker soldatynyń súıegi tabyldy. Reseı Federatsııasynyń Qorǵanys mınıstrligine qarasty Ortalyq muraǵattan kelgen jaýapta medal 1912 jyly týǵan, Qazaq SSR Semeı qalasynyń Oktıabr áskerı komıtetiniń buıryǵymen 1941 jyly 23 tamyzda soǵysqa shaqyrylǵan 124-shi atqyshtar dıvızııasynyń qatardaǵy áskeri Sorokın Nıkolaı Fedorovıchqa tıesili ekeni aıtylǵan»,-dep habarlady QR Qarýly kúshteriniń Ulttyq áskerı-patrıottyq ortalyǵynyń baspasóz qyzmeti.

 

Soǵysta qaza tapqan jaýyngerdiń súıegi 14 aqpan kúni Astanaǵa jetkiziledi. Nıkolaı Sorokınniń búkil áskerı ataǵy qaıtarylǵan soń, ol týǵan jeri  Semeıde jerlenedi.