Maıamıde kópqabatty úıdiń qulaýy: qaza tapqandar sany 90-ǵa jetti
21:42, 11 Shilde 2021
NЬıÝ-IORK. QazAqparat - Qutqarýshylar Florıda shtatynyń Maıamı mańyndaǵy (Florıda shtaty) Sýrfsaıd qalasynda opyryla qulaǵan úıdiń qırandylary astynan taǵy tórt qurbannyń máıiti shyǵaryldy, qurban bolǵan jandardyń sany 90-ǵa jetti, dep habarlaıdy QazAqparat.
Bul týraly Maıamı-Deı okrýginiń basshysy Danıel-Levın Kava okrýgtiń Facebook arqyly translıatsııalanǵan jýrnalıstermen baspasóz brıfıngi kezinde aıtty.
«Biz qırandylardan birneshe qurbannyń máıitterin alyp shyqtyq. Qazir qaza bolǵandardyń jalpy sany 90-dy quraıdy», - dedi ol. Kava 31 adamnyń taǵdyry belgisiz kúıde qalyp otyrǵandyǵyn da málim etti.
Aıta ketsek, Sýrfsaıdtaǵy kóp qabatty turǵyn úı 24 maýsymǵa qaraǵan túni qulady. Birinshi kúni úıindilerdiń astynan 37 adam shyǵaryldy, biraq sodan keıin tiri qalǵandar tabylmady. Al 7 shildede, ıaǵnı qulaǵannan keıin 13 kún ótken soń, bılik qutqarý jumystaryn toqtatýǵa sheshim qabyldady. Qazir olar apat bolǵan jerde qaza tapqandardyń denelerin izdeýde.